ଜୀବନର ହୋଲି

ତୁମେ ଆସିଥାଅ ସାତ ରଙ୍ଗ ଧରି

ବୋଧେ ରଙ୍ଗମୟ କରିବାକୁ

ସାରା ଦୁନିଆ କୁ

ସାତ ରଙ୍ଗରେ

ରଙ୍ଗେଇ ବି ଦିଅ

ସଭିଙ୍କ ଜୀବନକୁ

ମନ ଭରି

ହେଲେ ପୁଣି ଫିକା ଫିକା

ଲାଗେ

ଝଟକିନା ଛାଡିଯାଏ ରଙ୍ଗ

ଉଦାସ ଲାଗେ

ଏମିତି

କେ ଜାଣି କାହିଁକି ଆସ

ଫି ବର୍ଷରେ

ରଙ୍ଗେଇ ଦେଇ ଯାଅ

ଦେଇ ଯାଅ ପୁଣି ସାଥେ ଆଣିଥିବା

ସୁଖ ସମୃଦ୍ଧି

ଶାନ୍ତି ର ବାର୍ତ୍ତା

ପ୍ରେମର ଫଲଗୁ

ଦୟା କ୍ଷମାର ଅସରନ୍ତି ଭାବ

ନୂତନ ବିଚାର ର ଅସରନ୍ତି ଅଭିସାର

ପୁଣି ଦେଇଯାଅ ନୂଆ ନୂଆ ସପନ ସାଥେ

ଢେର୍ ସାରା ବିଶ୍ବାସ

ହେଲେ କାହିଁ ସେ

ସବୁ ମିଳେଇଯାଏ

ଆପଣାଛାଏଁ

ତୁମର ପ୍ରେମର ରଙ୍ଗ

ତୁମର ବିଶ୍ବାସ ର ରଙ୍ଗ

ତୁମର ସୁଖ ସମୃଦ୍ଧି ଶାନ୍ତି ର ରଙ୍ଗ

ତୁମର ନୂତନ ସ୍ବପ୍ନସବୁର ର ରଙ୍ଗ

ଦୟା କ୍ଷମାର ରଙ୍ଗ

ଫିକା ପଡିଯାଏ ଜୀବନ

ଫିକା ପଡିଯାଏ

ସାରା ଗାଁ ସହର ନଗରର ସବୁ ଗଳି

ହେଲେ ଭୁଲି ଯାଅନି

ତୁମେ ଆଉ ଥରେ ଆସ

ସାଥେ ନେଇ କୋଇଲି ର ପଞ୍ଚତାନ ସ୍ବର

ବଜାଇ ଦିଅ ବୀଣାର ଝଙ୍କାର

ସେହି ଝଙ୍କାରରେ

ପଲ୍ଲବିତ ହୋଇଉଠୁ ବୃକ୍ଷରାଜି ତରୁଲତା

ଶାଗୁଆ ଶାଗୁଆ ଦିଶୁ ପୃଥିବୀ

ପଳାସ ଫୁଲ

ଶିମିଳି ଫୁଲରେ ହସି ଉଠୁ ଧରା

ଆମ୍ବ ବଉଳର ମହ ମହ ବାସ୍ନା ରେ

ମହକି ଉଠୁ ଚଉଦିଗ

ହଳଦି ବସନ୍ତ ଉଡିବୁଲୁ ଏ ଡାଳରୁ ସେ ଡାଳ

ଏମିତି ତ ଆମ ଜୀବନ ଫିକା ହିଁ ଫିକା

କ'ଣ ଆମେ କି ବଞ୍ଚି ପାରୁଛୁ ଶାନ୍ତି ରେ

ଆମେ ପରା ଚିର ଅଭାବୀ

ଆମକୁ ଯେତେ ହେଲେ ବି ନିଅଣ୍ଟ

ଫିକା ହେବନି ବା କାହିଁକି ଯେ ଆମ

ଜୀବନ