କଳିର ହେଉଛି ଇତି

ସେହି ସତ୍ଯ ଯୁଗ ଫେରି ଆସୁଛି

ମିଳୁଛି ଶୁଭ ସଂକେତ ।

ପ୍ରକୃତି ବି ଆଜି ହସି କହୁଅଛି

ମୁଁ ବଦଳିଛି କିଞ୍ଚିତ ।

ଭୁଲିଛି ମଣିଷ ରାଗ ହିଂସା ଭାବ

ନିଜେ ଗୃହବନ୍ଦୀ ହୋଇ ।

ଦୟା କ୍ଷମା ପର ଉପକାର ଭାବ

ଫେରୁଛନ୍ତି ଏକ ହୋଇ ।

ନିଜ କଥା ସହ ପଡୋଶୀଙ୍କ କଥା

ଭାବୁଛି ଘରରେ ବସି ।

ଏ ବିପଦ କାଳେ ଦୁଃଖିର ମୁହଁରେ

ହସ ଫୁଟାନ୍ତି ସେ ଆସି ।

ହାତ ଠାରି କହେ ମୃଦୁ ସମୀର

ମୁଁ ବି ଉଲ୍ଲସିତ ଆଜି ।

ପ୍ରଦୁଷଣ ମୁକ୍ତ ଜଳ କହେ ହସି

ସେ ବି ସେ କଥାରେ ରାଜି ।

କମିଛି ଘଟଣା ଆଉ ଦୁର୍ଘଟଣା

ଅତ୍ୟାଚାର ଓ ଅନୀତି ।

ସତେକି ଲାଗୁଛି ସତ୍ଯ ଯୁଗ ଫେରି

କଳି ର ହୋଇଛି ଇତି।