ଗୁରୁ

ତୁମେ ବ୍ରହ୍ମା ବିଷ୍ଣୁ ମହେଶ୍ୱର

ତୁମେ ସାକ୍ଷାତ ଈଶ୍ୱର

ମଣିଷ ତିଆରି କାରଖାନର

କୁଶଳୀ କାରିଗର

ନିଜ ସୃଷ୍ଟିଶୀଳତା ବଳେ

ଜ୍ଞାନର ପ୍ରଦୀପ ଜାଳ

ତୁମେ ଗୁରୁ ମାତୃତୁଲ୍ୟ

ସନ୍ତାନ ବତ୍ସଳ  

ତୁମେ ଅବୋଧକୁ

ବୋଧକର

ବିଦ୍ୟା ଲାଭେ ବ୍ରତୀ କର

ନିଜେ ଜଳି ଅହରହ

ଜାଳୁଅଛ ଶିକ୍ଷା ଦୀପ

ନିତ୍ୟ ପ୍ରତ୍ୟହ

ତୁମେ ଗୁରୁ ପିତୃତୁଲ୍ୟ

ଚିର ବନ୍ଦନୀୟ  

ତୁମେ ଭରିଦିଅ 

ଅପୂର୍ଣ୍ଣେ ପୂର୍ଣ୍ଣତା

ସାଉଁଟି ନିଅ 

ସମାଜୁ ମୁକୁତା

ତୁମେ ଶ୍ରେଷ୍ଠ ଓ ପ୍ରବୁଦ୍ଧ

ତୁମ ବିନା ଛାର ନର

ଅଜ୍ଞାନ ବଳେ ଅନ୍ଧ

ତୁମେ ଗୁରୁ ଦେବତୁଲ୍ୟ

ସର୍ବଦା ପୂଜିତ