ଅଭିମନ୍ତ୍ରିତ

        

     ସ୍ୱପ୍ନ ଆଉ ସମ୍ଭାବନା ସବୁ

     କୁହୁଡିରେ ପହଁରିଲା ବେଳେ

     କିବା ଲୋଡା ଆଉ

     ତୁମ ସେ ରୂପ ଲାବଣ୍ୟ

     ପ୍ରୀତିର ମଦିରା

     ମୁହଁ ଖୋଲି ପିଇବାକୁ

     ଏବେ ତ ବାସ୍ତବର 

     କଡା ପ୍ରହରାରେ ମୁଁ

     ଅଭିମନ୍ତ୍ରିତ ନୂଆ ଦିଗନ୍ତରେ

     ଯେଉଁଠି ପାପ ପୂଣ୍ୟର

     ଭଲ ମନ୍ଦ ଛଳନା କପଟର

     ହିସାବ ରଖିବାକୁ କେହି

     ନଥିବେ ଆଉ ନଥିବେ

     କହିବାକୁ ନିଜର ସଙ୍କୋଚରେ ାା 

     କିଏ କହୁ ବା ନ କହୁ 

     ଏବେ ତ ଗୋଟାପଣେ ମୁଁ

     ଦୌଡାଳି ସାଜିଛି ମୋ

     ଅଭିମନ୍ତ୍ରିତ ପଥରେ 

     ଯେଉଁଠି ତୁମେ ବି ଆଜି

     ବାସନାହୀନ ପଳାସ ପ୍ରାୟେ

     ମୁକ୍ତାଜ୍ଜ୍ୱଳ ଜୀବନ ପଥରେ

     ରଙ୍ଗୀନ୍ ମୁରୁଜ ବୁଣି ମୁଁ

     ପ୍ରତିଟି କ୍ଷଣ ଅଗ୍ରସର 

     ନିଜକୁ କଷି କଷି ସୀମାହୀନ

     କର୍ତ୍ତବ୍ୟ ପଥରେ 

     ଅଭିମନ୍ତ୍ରିତ ଦିଗନ୍ତରେ