କାକରା ପିଠାରେ ପ୍ରୀତି ଲାଳସା

କହିଦେଲି ବୋଲି ଗଲ କି ବିସ୍ମରି 

କହିଥିବା ତୁମ କଥା 

କାକରା ପିଠାରେ ରହିଛି ଲାଳସା 

ନଦେଲେ କି ଯିବ ବ୍ୟଥା ।

ଦୁଃଖ ନାହିଁ ମୋର କାକରା ପିଠାରେ

ଦୁଃଖ ମୋତେ ତୋର ଚିନ୍ତା

ଲୋତକ ମୁଁ କାହିଁ ଝରାଇବି କହ 

ପିଠା କିବା ପ୍ରୀତି ନିଷ୍ଠା। 

ଅଭିମାନ ମୋର ପିଠା ପାଇଁ ନୁହେଁ  

ତୁମ ପାଇଁ ଅଛି ଯେତେ 

ମୋ ପ୍ରୀତି ବ୍ୟଥାକୁ ବୁଝି ପାରିଲନି

ଅଭିମାନ ଲାଗେ ମୋତେ ।

ଦବିଯାଏ ମୋର ଅନ୍ତର ଅଭିପ୍ସା

କହିବାକୁ କିଛି ତୋତେ 

କାହିଁକି କହିବି କହିଲେ କି ଯିବି 

ତୋ ପ୍ରୀତି ପଥର ପଥେ।

ଏ ମନ ଅମନ ହେଉନାହିଁ ଧ୍ୟାନ 

ପଥ ହୁଡିଲାଣି ମାନ 

ହେଲି କି ଅଧମ ପିଠା ପାଇଁ ବାମ 

ନୁହେଁ କିବା ତୋର କ୍ଷମ  ।