Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Dr Susmita Dash

Inspirational Romance Others

3  

Dr Susmita Dash

Inspirational Romance Others

ପୁଣି ଶୀତର ଆଗମନରେ

ପୁଣି ଶୀତର ଆଗମନରେ

1 min
6.4K


ଅତଳସ୍ପର୍ଶୀ ଗଭୀର ପର୍ଣ୍ଣ ର ସାଗରରେ,

ଅବୋଧ ଶିଶୁ ଟିଏ ହଜିଗଲା ପରି...

ସହରର ଅଚିହ୍ନା ଗଳିରେ,

ଲକ୍ଷ୍ୟହୀନ ପଥିକ ସଦୃଶ,

ଖୋଜିବୁଲେ ତୁମକୁ ଏ ମନ....

ପୁଣି ଶୀତର ଆଗମନରେ।

ଅଭୁଲା ସ୍ମୃତି ଘନ କୁହେଳିକା ସମ,

ସେ ଦୀର୍ଘ ରଜନୀରେ...

ଚନ୍ଦ୍ରମା ର କୋମଳ ଜୋଛନାରେ ,

ତୁମ ସ୍ପର୍ଶ ଓ ନିଃଶ୍ୱାସର ଉତ୍ତାପ ରେ...

ସମର୍ପିଥିଲି ମୋ ସତ୍ତା,

ଶୀତ ର ଆଗମନ ରେ।

ସଞ୍ଚାରେ ସ୍ନିଗ୍ଧ, ଅପୂର୍ବ ଶିହରଣ, ହୃଦୟରେ, ଅଙ୍ଗରେ, ସ୍ନାୟୁ ରେ....

ଜାଣି ସୁଦ୍ଧା ଋତୁ ପରିବର୍ତ୍ତନଶୀଳ,

ସୈlନ୍ଦର୍ଯ୍ୟ କ୍ଷଣସ୍ଥାୟୀ...

ଏବେବି ହୃଦ୍ ସ୍ପନ୍ଦନ ବଢିଯାଏ,

ଶୀତ ର ଆଗମନ ରେ।

ଏବେ ଜୀବନର ଅପରାହ୍ନେ,

ବଦଳିଛି ପ୍ରେମ ଓ ପ୍ରଣୟର ସଂଜ୍ଞା

କ୍ଷଣଭଙ୍ଗୁର ସଂସାରେ,

କିପରି ଏ ସ୍ୱର୍ଗୀୟ ଉଲ୍ଲାସ....

ଖୋଜେ ତୁମ ପ୍ରତିବିମ୍ବ....

ପ୍ରତ୍ୟୁଷର ପ୍ରତିଟି ଶିଶିର ବିନ୍ଦୁରେ,

ବହି ଆସୁଥିବା ହିମସ୍ରୋତ ରେ,

ପୁଣି ଶୀତର ଆଗମନରେ।

 


Rate this content
Log in