ବେସୁରା ଗୀତି-୭୨୬
ବେସୁରା ଗୀତି-୭୨୬
1 min
6.8K
ବର୍ଷା ତୁ ପରା କହିଥିଲୁ ଥରେ
ମୋ ଆଗେ ଆସିବୁ ନାହିଁ
କଣ୍ଟ ଦେଇଥିଲୁ ଗୋଟିଏ ବରଷ
ମୋ ପାଶେ ଆସିବା ପାଇଁ ॥
ଭୁଲିଗଲୁ ସବୁ କଥା କି ତୋହର
ଆସିଛୁ ତୁ ଅବେଳରେ
ଭିଜାଇ ଦେବାକୁ ଦେହକୁ ମୋହର
ତୋ ପୀରତି ବରଷାରେ ॥
ମୋ କଥାକୁ ମୁଁ ତ ଭୁଲିଯାଇ ନାହିଁ
ଖୋଜୁନି ତୋତେ ମୁଁ ଆଜି
ତୁ କିଆଁ ଭୁଲି କଥା କୁ ତୋହର
ଆସୁ ମୋତେ ଖୋଜି ଖୋଜି ॥
ଯଦି ଆସିଛୁ ତୁ ଆ ଲୋ ବରଷା
ଭିଜାଇ ଦେଏ ମୋ ଦେହ
ପୋଛିଦେ ତୋ ହାତେ ମୋ ଆଖିର ଲୁହ
ହଜୁ ହୃଦୟର କୋହ ॥
ଜୀବନ ନଈରେ ଆସିଯାଉ ବନ୍ୟା
ଢାଳିଦେ ତୋ ପ୍ରୀତି ବାରି
ହଜିଯାଉ ସବୁ ଜାତନା କଷଣ
ଦୁଃଖ ଦିନ ଯାଉ ସରି ॥