ସଞ୍ଜ ଚାହିଁ ବସିଥାଏ
ସଞ୍ଜ ଚାହିଁ ବସିଥାଏ
ଜାଣିଛୁ ପାଗିଳୀ
ତୋ ଆସିବା ଖୁସିରେ
ତୋ ସାଥିରେ ସୁଖ ଦୁଃଖ ହେବା ଆଶାରେ
କିଛି ପାଗଳାମି କରିବା ଜିଦିରେ
ସରିଆସୁଥିବା କାମରୁ ବିରତି ନେଇ
ସଞ୍ଜ ଚାହିଁ ବସିଥାଏ ।
ମୋ ଉପରେ ତୁ ରାଗିଲେ
ହସିହସି ସବୁ ସହିବାକୁ ଚେଷ୍ଟା କରେ
ହେଲେ ଯେବେ ତୋ ଆଖିରୁ ଲୁହ ଝରେ
ମୋ ଛାତିରେ ଅଗଭୀର କୋହର ଢେଉ ଉଠେ
ତୋ' ଲାଜୁଆ ଚାହାଣୀରେ ଦରଦ ଦେଖି
ମୋ ଆଖିରୁ ଆପେ ଆପେ ରକ୍ତର ଧାର ଛୁଟେ ।
ଜାଣିନି ତୁ ଅନୁଭବ କରିପାରୁ କି ନାଁ
ହେଲେ ମୁଁ ତତେ ମୋ'ଜୀବନର ଉଇଲନାମାରେ
ଚୁକ୍ତି ସ୍ବାକ୍ଷର କରି ସାରିଛି
ତୋ ସବୁ ହସଖୁସି ସୁଖଦୁଃଖ
ମାନ ଅପମାନ, ରାଗରୁଷା ଅଭିମାନକୁ
ମୋ ଛାତିର ସ୍ପନ୍ଦନ କରିବାକୁ ।
ଈଶ୍ୱରଙ୍କୁ ସବୁବେଳେ ଡାକେ
ତୋ ଜୀବନରେ ହସଖୁସି ଭରିଦେବା ପାଇଁ
ଅଜଣା ମଣିଷରୁ ଚିହ୍ନାହେଇ ତୋ ସହ
ସବୁ ମୁହୂର୍ତ୍ତକୁ ଆପଣାର କରିବାର ପ୍ରୟାସ କରେ ।