ଅତୀତ ପୃଷ୍ଠା

ଅଭୁଲା ପୃଷ୍ଠାରେ ଲିପିବଦ୍ଧ ଆମ

ପରିଚୟ ଅତୀତର 

ହୋଇ ମୂକ ସାକ୍ଷୀ ଆଜି ଵି ରହିଛି

ଦରିଆ କୂଳ ମନ୍ଦିର।୧।

ଦୂର ଝାଉଁ ବଣ ପୂରୁବ ପବନ

ଡାକୁଥିଲା ହାତ ଠାରି

କାହିଁ କେତେ ଦୂର ଚାଲୁଥିଲେ ଆମେ

ହୋଇ ହାତ ଧରାଧରି।୨।

ଆଜି ଵି ସେ ସ୍ପର୍ଶ କରେ ରୋମାଞ୍ଚିତ

ଶିହରଇ ତନ ମନ

ପ୍ରୀତିର ସାଗରେ ଦୁହେଁ ଵୁଡିଥିଲେ 

ଲାଜେ ହସୁଥିଲା ଜହ୍ନ। ୩।

ଲୁଚି ଯାଉଥିଲା ବାଦଲ ଭିତରେ

ମୁହଁ ତାର ଢାଙ୍କି ଦେଇ

ଅଭିମାନୀ କଇଁ ଝୁରି ମରୁଥିଲା

ତାର ପ୍ରତୀକ୍ଷାରେ ରହି।୪।

ଇର୍ଷାରେ ଇର୍ଷାରେ ଜଳି ଯାଉଥିଲା

ଦୁଇ ପ୍ରେମ ପକ୍ଷୀ ଦେଖି

କାହିଁ କେତେ ଦୂରେ ପ୍ରିୟତମ ତାର

ଝୁରୁଛି ସେ ନିରୀମାଖି। ୫।

ଅନନ୍ତ ସାଗର ଉତ୍ତାଳ ଲହରୀ

କୂଳ ଲଙ୍ଘି ଫେରୁଥିଲା

ସେ ଚାନ୍ଦିନୀ ରାତି ନୀରଵ ଯାମିନୀ 

ସ୍ମୃତି ହୋଇ ରହିଗଲା।୬।

ଶୋଇ ରହିଥିଵା ସେ ଜୀଵନ୍ତ ସ୍ମୃତି

ଯେଵେ କଡ ଲେଉଟାଏ

ଅମାନିଆ ମନ ଵୋଲ ମାନେ ନାହିଁ

ଆପେ ଟାଣି ହୋଇ ଯାଏ।୭।