Library
Profile
ପ୍ରେମରେ ପ୍ରେମରେ
ପ୍ରେମରେ ପ୍ରେମରେ
ହେ ମୋର ପ୍ରିୟା ସୁକେଶୀ
ସୁମତି ସୁଶିଳା ,
ସ୍ନେହେ ଅନୁକମ୍ପା ତୁମେ
ବୁଦ୍ଧିରେ ଚପଳା ।
କ୍ଷଣିକ ଅଭିମାନିନୀ
କୋମଳ ହୃଦୟା ,
ସୁଚାରୁ ଭାଷିନୀ ଦୁଃଖ
ପାଶୋରା ସୁପ୍ରିୟା ।
ପୁଷ୍ପ ଚିତ୍ରିତ ବସନେ
ଅତି ଅଭିଳାଷ ,
ବିଚିତ୍ର ଠାଣି ତୁମର
ସୁମଧୁର ହାସ ।
ନାତି ଦୀର୍ଘ ନାତି ସୂକ୍ଷ୍ମ
ଶରୀର ତୁମର ,
ନାତି ଶ୍ବେତ କୃଷ୍ଣ ବର୍ଣ୍ଣେ
ଦିଶ ମନୋହର ।
ହସ ହସ ମୁଖ ସଦା
ତିଳେ ନାହିଁ ମ୍ଳାନ ,
ଗୁଣୁ ଗୁଣୁ ହୋଇ
ସଦା
ଗାଉଥାଅ ଗାନ ।
ପୂର୍ବ ଭାଗ୍ୟରୁ ମୋହର
ହୋଇଲ ପ୍ରେମିକା,
ତୁମ ନିବିଡ଼ ପ୍ରେମରେ
ହୋଇଗଲି ବିକା ।
କି ମୋହିନୀ କଲ ମୋତେ
ସ୍ନେହ କରି ଦାନ ,
ତୁମରି ପ୍ରେମ ଜାଲରେ
ହୋଇଲି ବନ୍ଧନ ।
ଅତୀତର କଥା କେତେ
ପଡ଼ି ଯାଏ ମନେ ,
କୁସୁମ ଆଞ୍ଜୁଳାଏ ମୁଁ
ଯାଚିଥିଲି ଦିନେ ।
ଖୁସିରେ ନେଲ ନ ଭାବି
ମନେ କିଛି ଆନ ,
ହସି ହସି କଥା କହି
ଟାଣି ନେଲ ମନ ।
