நூலகம்
சுயவிவரம்
ସତରେ ତୁମେ ବହୁତ ଭଲ
ସତରେ ତୁମେ ବହୁତ ଭଲ
1 min
196
ସତରେ ତୁମେ ବହୁତ ଭଲ
ତୁମକୁ ଦେଖିଲେ ମୁଁ ଅନୁଭବ କରେ
ତୁମେ ଗୋଟେ ସଜଫୁଟା ଗୋଲାପ ଫୁଲ
ହସ ହସ ତୁମ ସୁନ୍ଦର ମୁହଁ
ରଙ୍ଗବୋଳା ଓଠର ପାଖୁଡ଼ାରୁ
ଝରୁଥାଏ ମହୁ ଲାଗେ ଅମୂଲ ମୂଲ
ପ୍ରେମ ମହକ ବିତରି ଦିଅ ଚଉପାଶ
ତୁମ ତନୁଲତାର ଆକର୍ଷଣରେ
ମୁଁ ତୁମକୁ ହୃଦୟ ଭରି ପାଏ ଭଲ
ସତରେ ତୁମେ ବହୁତ ଭଲ
କଅଁଳ ମଧୁର କଥା ଲାଗେ ତୁମର
ଫଗୁଣର ମୃଦୁ ମଳୟ ସ୍ପର୍ଶ
ସରଳ ହୃଦୟ ତୁମର ଲହୁଣୀ ନରମ
ସଫେଦ ନିଷ୍ପାପ ପବିତ୍ର ମନ
ସବୁ ମୋ ଆଖି ଆଗେ କରେ ଝଲମଲ
ତୁମ ଚାହାଁଣିରେ ଭାବଭାଷା ମିଶା
ମୋ ମନ ଆକାଶକୁ ଭାସି ଆସି
ଢାଙ୍କିଦିଏ ଯେମିତି ମୌସୁମୀର ବାଦଲ
ବରଷି ଯିବାକୁ ଛମ୍ ଛମ୍ ଛନ୍ଦେ
ମେଘମହ୍ଲାରର ରାଗରେ ଗାଅ ଗଜଲ
ସତରେ ତୁମେ ବହୁତ ଭଲ
ତୁମକୁ ଦେଖିଲା ଦିନଠାରୁ ମୁଁ
ମୋ ମନର ଓଦା ଭିଜା ବତୁରା ମାଟିରେ
ବୁଣି ଦେଇଛି ସମ୍ଭାବନାର ଫସଲ
ସପନର ଚାରା କେତେ ଗଜୁରି ଉଠେ
ପ୍ରେମ ପ୍ରୀତିର ପତ୍ର ମେଲି ହୁଏ ପଲ୍ଲବିତ
ସବୁଜ ସୁନ୍ଦର ତା' ଦୃଶ୍ୟରାଜିରେ
ଦିଶଇ ମନଛୁଆଁ ଡଉଲଡାଉଲ
ଟାଣିନିଏ ମୋତେ ପ୍ରଣୟର କୁହୁକ ଜାଲ
ସତରେ ତୁମେ ବହୁତ ଭଲ ।
