ଲାଇବ୍ରେରୀ
ପ୍ରୋଫାଇଲ୍
ସେବା ଅଧିକାର ଦେଇ
ସେବା ଅଧିକାର ଦେଇ
1 min
306
ପଣ୍ଡା ପଢ଼ିହାରୀ କରନ୍ତି ଗୁହାରୀ
ମଣିମା ମଣିମା କହି
ଛପନ ଭୋଗକୁ ଚୌଷଠି ବ୍ୟଞ୍ଜନ
ତୁମପାଖେ ଥୋଇଦେଇ ॥୦॥
ଛତିଶା ନିଯୋଗୀ ରହିଛନ୍ତି ଜଗି
ସେବା ଆଦେଶକୁ ଚାହିଁ
ଐଶ୍ୱର୍ଯ୍ୟ ଲୀଳାରେ ମଗନ ହୋଇଣ
ରହିଗଲ କି ହୋ ସାଇଁ
ମାୟାର ଜଞ୍ଜାଳେ ମୁହିଁ ଏଠି ଜଳେ
ଡାକ ଶୁଣ ଭାବଗ୍ରାହୀ ॥୧॥
ଭାବକୁ ନିକଟ ଅଭାବେ ଯେ ଦୂର
ସଂସାର ଏଠି କୁହଇ
ଭାବ ବିନୋଦିଆ ଭାବି ଭାବି ମାରେ
ମୋର ଭାବ ଦିଶୁ ନାହିଁ
ମାଗୁଣି ଏତିକି ଡାକ ହୋ କତିକି
ସେବା ଅଧିକାର ଦେଇ ॥୨॥
