ପରମାନନ୍ଦେ ମୁଁ ହଜିଛି

ଆଖି ଲାଖି ଗଲା ପ୍ରଥମ ଦେଖାରେ

   ସେଦିନୁ ଜଗାକୁ ଝୁରୁଛି

ଦୂରରେ ମୁଁ ରହି  ପାରୁନାହିଁ ସହି 

   ଲୋତକ ମୋହର ଝରୁଛି ।

ନୀଳାଚଳ ନିଧି  କରୁଣା ବାରିଧି

  ମୋତେ ଲୋ କିମିଆ କରିଛି 

ଭୂମୀ ଠାରୁ ଭୂମା ସବୁ ଆଡେ ଖାଲି 

  ଚକା ଚକା ଆଖି ଦେଖୁଛି 

ସତେକି ଯେମିତି ପାଖେ ପାଖେ ଅଛି 

  ଅଗୁର ଚନ୍ଦନ ବସୁଛି ।

ଦିନ ରାତି ଖାଲି ଜଗା ଜଗା ହୋଇ 

  ବାଉଳି ଚାଉଳି ହେଉଛି 

ଜଗା ପ୍ରେମ ଜ୍ୱର ମୋତେ ଲୋ ଘାରିଛି 

  କାଳିଆକୁ ଖାଲି ଭାବୁଛି

ନିଜକୁ ହଜାଇ ନିଜକୁ ଖୋଜୁଛି 

  ପରମାନନ୍ଦେ ମୁଁ ହଜିଛି ।