ବିଭୂଷିତ ପରିଚୟ
ବିଭୂଷିତ ପରିଚୟ
ଦୀପକ ପୂର୍ଣ୍ଣଚନ୍ଦ୍ର ସୂର୍ଯ୍ୟଙ୍କର ଆଭରଣ ହେଲେ କିରଣ,
ନିଷ୍କପଟ ସ୍ମିତହାସ ହେଉଛି ପ୍ରଫୁଲ୍ଲ ବଦନର ବିଭୂଷଣ,
ସଦ୍ଗୁଣସମ୍ପନ୍ନ ଚିନ୍ତାଧାରା କରନ୍ତି ମାନସର ଅଳଙ୍କରଣ,
ଧାରାପ୍ରବାହ କଥୋପକଥନ ଯେ ବାକ୍ଶକ୍ତିର ଆଭୂଷଣ |୧|
ବିଶିଷ୍ଟ ବ୍ୟକ୍ତି ଯେବେ ଉକ୍ତ ସ୍ଥିତିରେ କରନ୍ତି ସମୁଚିତ ସାହାଯ୍ୟ,
ତେବେ ସଭ୍ୟ ସମାଜ ହେତୁ ହୁଅନ୍ତି ଅସୀମିତ ବିଶ୍ୱାସଯୋଗ୍ୟ,
ସମତା ମମତା ସଦ୍ଭାବନା ସଦାଚାର ଦ୍ୱାରା ହୁଅନ୍ତି ବହୁମୂଲ୍ୟ,
ସର୍ବଜନଙ୍କ ଉତ୍ଥାନ ଉନ୍ନତିର ଚେଷ୍ଟା ଦ୍ୱାରା ହୁଅନ୍ତି ଲୋକମାନ୍ୟ |୨|
ପ୍ରତ୍ୟେକ ମନୀଷୀ ଭିତରେ ଅଛି ଏକକ ବିଶେଷ ବିଭୂଷିତ ପରିଚୟ,
ପଥପ୍ରଦର୍ଶକଙ୍କର ଦ୍ୱାରା ହୁଏ ସର୍ବଗୁଣସମ୍ପନ୍ନ ବିବେଚନାର ବିନିମୟ,
ଜନସମୂହରେ ହୁଏ ଏକ ଅଭିନବ ପ୍ରଭାବଶାଳୀ ନେତୃତ୍ୱର ନବୋଦୟ,
ନିଜ ମହତ ଶାଳୀନ ହୃଦୟଗ୍ରାହୀ ବ୍ୟକ୍ତିତ୍ୱ ଦ୍ୱାରା ସଦା ରୁହନ୍ତି ନମନୀୟ |୩|
ସ୍ୱାମୀ ବିବେକାନନ୍ଦଙ୍କ ଆଧ୍ୟାତ୍ମିକ ବିଦ୍ୟାରେ ଅଂଶଦାନ ସତତ ଚିରସ୍ମରଣୀୟ,
ତାଙ୍କର ଅପରିମିତ ଜ୍ଞାନପ୍ରଭା ସହ ସମୃଦ୍ଧ ପ୍ରତିଭା ସଦାସର୍ବଦା ଅବିସ୍ମରଣୀୟ,
ଇହଲୋକକୁ ହସ୍ତାନ୍ତର କରିଥିବା ଭକ୍ତିଯୋଗ ସହ ବେଦାନ୍ତ ନ୍ୟାସ ଅଦ୍ଵିତୀୟ,
ତାଙ୍କ ନିଃସ୍ୱାର୍ଥପର ଜ୍ଞାନଦାନ ଥିବା ପ୍ରତ୍ୟେକ ଅଭିପ୍ରାୟ ସବୁବେଳେ ମାନନୀୟ |୪|