ସାର୍ଥକ ଜୀବନ

ବଞ୍ଚିବାର ଅଛି କେତେ ଯେ କାରଣ,

ପୁଣି ଅଛି ଅନେକ ପ୍ରକାର ବାରଣ,

ଅତୀତକୁ ବାରମ୍ବାର କରିକି ସ୍ମରଣ,

ହଜାଇବାର ନାହିଁ ଜୀବନର ସ୍ଫୁରଣ ।

ଜୀବନର ଅଛି ଏକକ ଲକ୍ଷଣ,

ଆଗକୁ ଆଗକୁ ଯାଏ ଅନୁକ୍ଷଣ,

ହୁଏ ନିଜ ପର ସହ ସମ୍ଭାଷଣ ,

ସାର୍ଥକ ସମ୍ବାଦକୁ କରନ୍ତୁ ବରଣ ।

ନିତିଦିନ ଆଶାକିରଣ ଆଣନ୍ତି ସୁବର୍ଣ୍ଣକାନ୍ତ ରବିକିରଣ,

ଅନବରତ ପ୍ରୟାସରୁ ନିଶ୍ଚିତ ହେବ ଲକ୍ଷ୍ୟର ପୂରଣ,

ସଦ୍ଭାବ ସଦାଚରଣ ସହ ଯାଚନ୍ତୁ ଛନ୍ଦାଚରଣଙ୍କ ଶରଣ,

ସୁନିଶ୍ଚିତ ଦିଶିବ ନିଖୁଣ ନୈପୁଣ୍ୟର ନାନା ସଫଳ ମେଳଣ ।

ଦୈନନ୍ଦିନ ସାମନାକୁ ଆସନ୍ତି ନାନା ରଣ,

ସହିକି ନିୟନ୍ତ୍ରିତ ରଖିବାକୁ ହେବ ଆଚରଣ,

ଦୁନିଆ ନିରନ୍ତର ମାଗିବ ଦକ୍ଷତାର ପ୍ରମାଣ,

ଏକକ ସମୁନ୍ନତ ବ୍ୟକ୍ତିତ୍ୱ ହେବାର ନିୟନ୍ତୁ ପଣ ।