ଅତୀତ

ଜୀବନର କଣ୍ଟକିତ ଏଇ ଚଲାପଥେ

ଆଗକୁ ଚାଲିବାକୁ ଆଗ୍ରହ ନାହିଁ

ପଛକୁ ଫେରିବାର ଉପାୟ ନାହିଁ l

ଭବିଷ୍ୟତ ତ ଅଜ୍ଞାନ ଅନ୍ଧକାର

ବର୍ତ୍ତମାନ ଟା କ୍ଷତ ବିକ୍ଷତ l

ଯେବେ ଯେବେ

ଆଗକୁ ବଢ଼େ ପାଦ

ହାତ ମୁଠା ରୁ ଖସେ

ଅତ୍ମୀୟତା ର ହାତ l

ନୀରବ, ନିଶବ୍ଦ

ରଙ୍ଗହୀନ ଏଇ "ବର୍ତ୍ତମାନ" ରେ

ଝୁରି ହୁଏ ସମୟ ର ସ୍ରୋତ ରେ

ହଜିଲା "ଅତୀତ " l

ଅନ୍ତରଙ୍ଗ ପିଲାଦିନ

ଚପଳ ନିଷ୍ପାପ ମନ

ମିଠା ମିଠା ସ୍ୱପ୍ନ,

ଫୁଲଫୁଟା ମୁହୂର୍ତ୍ତ ମାନ,

"ମା" ର କୋଳ

ନିର୍ଭୟ ଆଶ୍ରୟ ସ୍ଥଳ l

ଜହ୍ନର ଶୀତଳ ବାସ୍ନା କୁ

ଭେଦି ପାରୁନଥିଲା

ତତଲା ଲୁହ ର ଉଷ୍ମତା l

ନା ଥିଲା ଦୁଃଖ ର ଛାଇ

ଖେଳୁଥିଲା ହସର ଫଲଗୁ ନଇ

ବନ୍ଧୁ ପରିଜନ ମେଳ,

ଲାଗେ କେତେ କୋଳାହଳ l

ବୁଝିନଥିଲି ଜୀବନ ର ଅର୍ଥ

ନଥିଲା ବଞ୍ଚିବାର ମୋହ

ତଥାପି ଭରପୁର ଜିଇଁଲି ଜୀବନ l

ଆଜି ସବୁ ଜାଣି ସବୁ ବୁଝି

ପାଉ ନାହିଁ ଖୋଜି ଖୋଜି

ସୁଖମୟ ମୁହୂର୍ତ୍ତ ମାନ..।।