ମୁଇଁ ପଶ୍ଚିମ୍ ଉଡିଶାର୍ ଚାଷୀମାମା

ମୁଇଁ ଆଏଁ ପରେ ପଶ୍ଚିମ୍ ଉଡିଶାର୍ ଚାଷୀ

      ବିଧାତା ଲେଖବାର୍ କେ ଭୁଲିଯାଇଛେ ମୋର୍ କପାଲେ ଖୁସି

ଧାନ୍ ମଣ୍ଡିଟେ ନାଇନ ବଲିକରି

ମୁଇଁ ଇନୁ ଅଭାବୀ ବିକ୍ରି କରସିଁ

ହେଥିର୍ ଲାଗିତ ହେଇନାଇ ପାରେ

ପୁରା ମୋର୍ ସପନ୍ କେନସି

ମୁଇଁ................।

ଲୋକ୍ କହେସନ୍ ମୁଁଇ ପରେ ଜାନସି

କ୍ଷେତ୍ ଖଲାନ ଫଲେଇ ସୁନା

ହେଲେ କେହି ନାଇଁ ଜାନି ମୋର୍ କୁଟୁମ୍

ନାଇଁ ପାଏ କେଭେ ମନ୍ ଜାନି ଦାନା କନା

ମୁଇଁ...................।

ଚାଷବାସ୍ ଆରମ୍ଭ୍ କରିଥିସି ମୁଇଁ

ଗହନା ଦେଇକରି ଘର୍, ଜମିନ୍ ଇନ

ହେଲେ ଚାଷ୍ କେ ମୋର୍ ମରଡି ଖାଏସି

ଶେଷେ ମୁଇଁ ଖାଏଁସି ବିଷ ମହରା ସିନ

ମୁଇଁ.............।  

ଆଶା ଟିକେ ଜାଗସି ମନେ ଯଦି କେଭେ 

ସରକାରୀ ଯୁଜୁୁନା ମାନକୁ ଶୁନିକରି

ହେଲେ ସେଟା ପାଏବାର୍ କେ ଦୌଡି ଦୌଡି

ଗୁଡଁର୍ ଚପଲ୍ ଯାଏସି ମୋର୍ ସରି ଘୁରି

ମୁଇଁ................।

ଗୁରୁଦୁଟେ ଯୁଜୁନା ଆମର୍ ଲାଗି

ହେଉଥିସି କାଗଜ କଲମଥି ଖାଲି

ଶହେନୁ ଦଶଟା ଭି ଯଦି ସଥେ ମିଲତା

ଆମେ ବି ପାରତୁ ଟିକେ ହଁସି ଖେଲି

ମୁଇଁ ............।