ବୟସ
ବୟସ
ଆଜିର ସମୟ ଆଜି ସରିଯିବ
କାଲି କି ନ ଥିବ ବାକି
ସମୟ ସାଥୀରେ ତାଳ ଦେଉ ଥିଲେ
କେବେ ନ ପଡିବ ଥକି।
ସମୟ କୁ ଜଗି କର୍ତ୍ତବ୍ୟ କରିଲେ
ଚାଲି ଯିବ ବେଳ ହେଲେ
ଆଜି ର କାମ କୁ ଏବେ କରିଗଲେ
ବିଜୟୀ ହୋଇବ ହେଳେ।
ସମୟ ଖେଳୁଛି ଚକା ଭଉଁରୀ ରେ
ତାକୁ ତ ଭରସା ନାହିଁ
କାହିଁ କେତେବେଳେ କାହାକୁ ହସାଏ
କା ଭେଳା ବୁଡ଼ାଏ ସେହି।
ବେଳ ଥାଉଁ ଥାଉଁ ବାନ୍ଧିବା ରେ ଭେଳା
ସମୟ ତ ଗଡି ଯିବ
ନିଜେ ହସି ପୁଣି ଆନ କୁ ହସାଇ
ସଂସାର ପୁଣି ହସିବ।
ଧନ ଯଉବନ ବୟସ କା ପାଖେ
ରହେ ନାହିଁ ସ୍ଥିର ହୋଇ
ଏ ତିନି କୁ ନେଇ କରନି ଗରବ
ଏଇ ଅଛି ଏଇ ନାହିଁ।
ବୟସ ବସିନି ଚଉକା ପକାଇ
ପଲକେ ପଲକେ ଗତି
ବୟସ ସାଙ୍ଗରେ ନ କରି ପିରତି
ଜଗା ଠାରେ ରଖ ମତି।।