ତେଲ

ଅମୂଲ୍ୟ ଦରବଟିଏ ତେଲ ।

କିଏ ଦେବ ଅବା ତାର ମୂଲ ।

କରୁଛି ଆମ ଜୀବନକୁ ନିୟନ୍ତ୍ରଣ ।

ତା ବିନୁ ଅନ୍ୟ ଗତି ନାହିଁ ଜାଣ ।

ତା ଯୋଗୁଁ ଚାଲେ କାରବାର ।

ବିଶ୍ୱ ବେପାର ତା ଅଧୀନର ।

ଯା ପାଖେ ଯେତେ ତେଲ ଅଛି ।

ସବୁଠୁ ଶକ୍ତିଶାଳୀ ସେ ହୋଇଛି ।

ଦୁନିଆରେ ଯାନ ଯେତେ ଅଛି ।

ତାକୁ ପିଇଲେ ରାସ୍ତାରେ ଗଡୁଛି ।

ଯନ୍ତ୍ରପାତି ହେଉଛି କାର୍ଯ୍ୟକ୍ଷମ ।

ମୋବିଲ ଗ୍ରୀଜ କମାଏ ଘର୍ଷଣ ।

ଖାଦ୍ୟରେ ତେଲ ନପଡ଼ିଲେ ।

ସୁଆଦ ନଆସଇରେ ଭଲେ ।

ଔଷଧୀୟ ତେଲ ଅଛି ଯେତେ ।

ରୋଗରୁ ଉପଶମ ଦିଏ ସେତେ ।

ମୁଣ୍ଡରେ ଠେକା ପାଦରେ ତେଲ ।

ବଇଦ ସଙ୍ଗେ ନହେବ ଗେଲ ।

ଏବେ ତେଲିଆ ମୁଣ୍ଡରେ ତେଲ ।

ଏଠି ଗରିବ ହୁଏ ଖାଲି କଲବଲ ।

ତେଲ ଦୁନିଆର ଚମତ୍କାର ଉତ୍ପାଦଟିଏ ।

ଫଳ ପାଏ ଭଲସେ ମାରି ଜାଣେ ଯିଏ ।

ଅତ୍ୟନ୍ତ ଦୁର୍ଲଭ ଅଟଇ ତୈଳ ପୁରାଣ ।

ଶୁଣହେ ସୁଧୀଜନ ମନ ଧ୍ୟାନ ଦେଇଣ।