ମାଆର ମନ
ମାଆର ମନ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଯେଉଁଠି ଥାଉ ଯେମିତି ଥାଉ ଛୁଆ ପାଖରେ ମନ,
ଧନୀ ହେଉ କି ଗରିବ ହେଉ ଛୁଆ ତ ମାଆ ଧନ |
ଛୋଟ ହେଉ କି ବଡ଼ ହେଉ ସେ ମାଆର ମନ ବଡ଼,
ମାଆ କୋଳରେ ବିପଦ ନାହିଁ ହେଉ ବରଷା ଝଡ଼ |
ଗଛ ହେଉ କି ଲତା ହେଉ ସେ ପଶୁ କି ପକ୍ଷୀ ହେଉ,
ମାଆ କହିବ ମୁଁ ପଛେ ମରେ ମୋ ଛୁଆ ସୁଖେ ଥାଉ |
ଭଲଚିଜଟି ପାଇଲେ ମାଆ ଛୁଆଟି ମନେ ପଡ଼େ,
ଖାଉ ନ ଖାଉ ଭୋକରେ ଥାଉ ଛୁଆଙ୍କ ପାଇଁ ବାଢେ |
ଦେବ ନ ଦେବ ଭବିଷ୍ୟତରେ ସେକଥା ଚିନ୍ତାନାହିଁ,
ସକଳ ଧନ ସଂପତ୍ତି ସୁଖ ରଖେ ଛୁଆଙ୍କ ପାଇଁ |
ହେବ ନ ହେବ କିଏ କହିବ ପାଞ୍ଚଲୋକରେ ଜଣେ,
ମାଆ କହିବ ସବୁ ପାରିବ ପୁଅକୁ ଯୋଗ୍ୟ ମଣେ |
ଦୁଃଖ ଯାତନା ଭୁଲିଯାଏ ମା’ ଛୁଆଙ୍କୁ ଦେଖିଦେଲେ,
ଛୁଆର ଦୁଃଖ ସହିପାରେନା ଅଯୋଗ୍ୟ ହୋଇଗଲେ |