ବିକଶୁ ଜନ ସୁମନ

ଭ୍ରଷ୍ଟ ଦୁଃଶାସନ  କରେ ଅଟ୍ଟହାସ୍ୟ

   ଶକୁନୀ ଖେଳୁଛି ପଶା

ଗର୍ବ ଅହଙ୍କାରେ ବଳୀ ଦୁର୍ଯ୍ୟୋଧନ

  ଘାରିଛି ଉତ୍କଟ ନିଶା ।

କୌରବ ସମ୍ରାଟ  ଅନ୍ଧ ଧୃତରାଷ୍ଟ୍ର

  ଗାନ୍ଧାରୀ ଆଖିରେ ପଟି

ଉଲଗ୍ନ ହୁଅନ୍ତି  ବିଚରା ଦ୍ରୋପଦୀ

   ଧର୍ମ ନାମ ଯାଏ ଲୁଚି ।

ସ୍ପଷ୍ଟ ଦିବାଲୋକେ  ହୁଅଇ ଧର୍ଷଣ

   ବଢେ ହତ୍ୟା ବଳାତ୍କାର

ବିକଳ ଜନତା  ଶୋଷଣ ଜ୍ୱାଳାରେ

   କରୁଛନ୍ତି ହାହାକାର ।

ଶତ୍ରୁ ଛଦ୍ମବେଶୀ  ଅଛି ଲୁଚିଛପି

   ଗୁପତେ ଲଗାଏ ଘାତ

ଉଗ୍ର ସୂର୍ପଣଖା  ରାକ୍ଷସ ରାବଣ

   ବଳୀୟାନ ଇନ୍ଦ୍ରଜିତ ।

ନୁହେଁ କାପୁରୁଷ ଭୀରୁ ପଳାତକ

   ଭାରତ ବୀର ଅର୍ଜୁନ

ଅବ୍ୟର୍ଥ ତା ଲକ୍ଷ୍ୟ ଅଚିନ୍ତ୍ୟ ତା ଶକ୍ତି

  ସ°ଗ୍ରାମେ ସାକ୍ଷାତ ଯମ ।

କଳିର କଳ୍ମଷ  ହୁଅଇ ବିଧ୍ୱ°ସ

   ଧର୍ମ ହୁଏ ସ°ସ୍ଥାପନ

ଅବତରୀ ଥାନ୍ତି  ଶ୍ରୀକୃଷ୍ଣ ଶ୍ରୀରାମ

  କଳକୀ ରୂପେ ଭଗବାନ ।

ଜାଗୁ ବୀରରସ  ଉଷ୍ଣ ଆବେଦନ

  ଜାଗୁ ପ୍ରତି ଭାରତୀୟ

ଉନ୍ମେଷୁ ସମାଜେ  ସତ୍ୟ ସୁନ୍ଦରତା

   ନାଶୁ ଅନ୍ଧାର ଅନ୍ୟାୟ ।

ନୂତନ ବରଷ  ନୂଆ ସକାଳରେ

   ସୁନେଲି ସୂର୍ଯ୍ୟ କିରଣ

ଦେଖାଉ ସୁପଥ  କଲ୍ୟାଣର ମାର୍ଗ

   ବିକଶୁ ଜନ ସୁମନ ।