ଭାରତ ମାତାର ବିଜୟ ଗାଥା

ହିନ୍ଦୁ ମୁସଲିମ ଓ ଶିଖ୍ ଇସାଇ

   ସଭିଏଁ ଭଉଣୀ ଭାଇ

ଶାନ୍ତି ମୈତ୍ରୀ ଯହିଁ ସତ୍ୟରପ୍ରତୀକ

  ସେ ଅଟେ ଭାରତ ଭୂଇଁ ।

ଭେଦଭାବ ଶୂନ୍ୟ ସବୁରି ଜୀବନ

   ଏକତା ଯାହାର ମନ୍ତ୍ର

ଆମେ ଗଢିଅଛୁ ଆମ ସମ୍ବିଧାନ

   ଏହି ଆମ ଗଣତନ୍ତ୍ର ।

ଗାନ୍ଧୀ ଗୋପବନ୍ଧୁ ସୁଭାଷ ନେହେରୁ

   ଅଟନ୍ତି ସନ୍ତାନ ବୀର

ଦେଶପାଇଁ ସିଏ ପ୍ରାଣବଳି ଦେଇ

 ହୋଇଲେ ଚିର ଅମର ।

ଚିର ବନ୍ଦନୀୟ ବାପୁଜୀ ଆମର

   ଅଟନ୍ତି ଯୁଗ ପୁରୁଷ

ତାଙ୍କରି କୀରତି ଅହିଂସା ନୀତିକୁ

   ଗାଏଆଜି ସାରାଦେଶ ।

ପରାଧୀନତାର ଶିକୁଳି ଛିଣ୍ଡାଇ

   ଆଣିଦେଲେ ସ୍ୱାଧୀନତା

ନିଃସ୍ୱାର୍ଥପରତା ସେବାଧର୍ମ ଲାଗି

   ହୋଇଲେ ଜାତିରପିତା ।

କୋଟି ଜନତାର ସେନାପତି ସାଜି

    ରଚିଲେ ସମରସଜ୍ଜା

ପରାଧୀନତାର ଭାରତ ଭୂଇଁରେ

    ଉଡିଲା ତ୍ରିରଙ୍ଗା ଧ୍ବଜା ।

ଅନ୍ୟାୟ ବିରୁଦ୍ଧେ ନ୍ୟାୟର ସଂଘର୍ଷ

   ପାପ ବିରୋଧରେ ଧର୍ମ

ହିଂସାନୁହେଁ କେବେ ସମାଜ କଲ୍ୟାଣେ

   ଅହିଂସା ହିଁ ମୂଳକର୍ମ ।

ଆଗେଇବା ଆମେ ସବୁଭାରତୀୟ

   ସତ୍ୟ ଅହିଂସାର ପଥେ

ଗଢିବା ଆମେରେ ସୁନାର ଭାରତ

   ଅହିଂସାକୁ ନେଇ ସାଥେ ।

ଦେଶର ସମ୍ମାନ ମାଟିର ଆହ୍ୱାନ

   ରଖିବା ଦେଶର ମାନ

ଦେଶର ସୁରକ୍ଷା ହୋଇବ ଯେ ରକ୍ଷା

   ଭାରତ ହେବ ମହାନ ।

ଭାରତ ମାତାର ବିଶାଳ ବକ୍ଷରେ

  ଭରିଯାଉ ଶାନ୍ତିପ୍ରୀତି

ଜାତିଧର୍ମ ଭୁଲି ସର୍ବେ ମିଳିମିଶି

  ବଢାଇବା ଯଶକୀର୍ତ୍ତି ।

ଭାରତ ମାତାର ସୁଯୋଗ୍ୟ ସନ୍ତାନ

  କରୁଥିବୁ ଜୟଗାନ

ଦେଶର ସୁରକ୍ଷା କରିବୁଯେ ରକ୍ଷା

   ରଖିବୁ ତା'ର ସମ୍ମାନ ।

ସବୁରି ମନରେ ଶାନ୍ତି ଭରିଦିଅ

    ଜଗତର ସୃଷ୍ଟିକର୍ତ୍ତା

ସବୁରି ତୁଣ୍ଡରୁ ଉଚ୍ଚାରଣ ହେଉ

   ତ୍ୟାଗ ଅହିଂସାରବାର୍ତ୍ତା ।