ମାତୃଭାଷା
ମାତୃଭାଷା
ଓଡିଶା ଆମର ବୀର ମାତୃଭୂମି
ଓଡ଼ିଆ ଆମର ଭାଷା
ମାତୃଭାଷା ଆମ ହୃଦୟ ସ୍ପନ୍ଦନ
କୋଟି ଓଡ଼ିଆର ଆଶା ।
ଆମେରେ ଓଡ଼ିଆ ସବୁଠୁ ବଢିଆ
ଓଡ଼ିଆ ଆମର ଭାଷା
ମାତୃଭାଷା ପ୍ରେମ ମାତୃଭାଷା ପ୍ରୀତି
ଦେଖାଇବ ନୂଆ ଆଶା ।
ମାତୃଭୂମି ମାତୃଭାଷାର ମମତା
ଝରାଇବା ହୃଦେ ନିତି
ଭାଷା ର ଉନ୍ନତି କରିବା ସଭିଏଁ
ବଢିବ ଆଗକୁ ଜାତି ।
ଓଡ଼ିଆ ଜାତିର ମାନ ସନମାନ
ଓଡ଼ିଶାର ଯଶ କୀର୍ତ୍ତି
ଓଡ଼ିଆ ଭାଷାର ଉନ୍ନତି କରିଲେ
ଫେରିବ ପୂର୍ବ ସଂସ୍କୃତି ।
ସାରଳା ଦାସଙ୍କ ଲେଖନୀ ନିଃସୃତ
ଓଡ଼ିଆ ମହାଭାରତ
ଓଡ଼ିଆ ଜାତିର କଳା ସଂସ୍କୃତିକୁ
ଜାଣିଲା ସାରା ଜଗତ ।
ଓଡ଼ିଆ ଭାଷାର କଳା କୋଣାରକ
ଭାଗବତ ରାମାୟଣ
ଓଡିଶା ମାଟିରେ ଓଡ଼ିଆ ଜାତିର
ପିଣ୍ଡେ ଭରିଦେଲା ପ୍ରାଣ ।
ଭାଷା ମଧ୍ୟେ ସାର ଅଟେ ମାତୃଭାଷା
ସଂସ୍କୃତିର ଗନ୍ତାଘର
ମାତୃଭାଷା ଆମ ହୃଦୟର ଭାଷା
ନାହିଁ ତାର ପଟାନ୍ତର ।
ସଭିଏଁ ଆଜି ଆମେ ଶପଥ ନେବା
କରିବା ଭାଷା ଉନ୍ନତି
ବିଶ୍ଵ ଦରବାରେ ଓଡ଼ିଆ ଭାଷାର
ବଢାଇବା ଯଶକୀର୍ତ୍ତି