ଦେଶର ଦାୟାଦ, ଉତ୍ତର ଦିଅ

ଓଡ଼ିଆ ମାନଙ୍କ ନୂଆ ବର୍ଷ ଅଟେ ପଣା ସଂକ୍ରାନ୍ତି, 

ପଣା ସଂକ୍ରାନ୍ତିକୁ ଆମେ ଭୁଲିଛେ କିଆଁ ଭୁଲିଛନ୍ତି,

ଏ କଥା ନୂତନ ପିଢିର ମନେ ନାହିଁ ବୋଲି କୁହ

ଏଥିପାଇଁ କଅଣ ଏ ଦେଶର ଦାୟାଦ, ଉତ୍ତର ଦିଅ ।

ଓଡ଼ିଆ ସ୍କୁଲରେ ପଢ଼ୁନେ, ପଢୁଛେ ଇଂଗ୍ଲିସ ସ୍କୁଲରେ

ପାଠ ପଢ଼ି ଅତି ଗର୍ବେ କାମ କରେ ବିଦେଶରେ,

ଏ କଥାରେ ନୂତନ ପିଢିର ଦୋଷ କଅଣ କୁହ

ଏଥିପାଇଁ କଅଣ ଏ ଦେଶର ଦାୟାଦ, ଉତ୍ତର ଦିଅ ।

ବିଦେଶୀ ଚଳନି, ବିଦେଶୀ ସଂସ୍କୃତି ଯେ ଆପଣାନ୍ତି

ମାତୃ ଭାଷା, ତାଙ୍କ ପାଟିରେ ପଶେନି ଇଂରାଜି ବୋଲନ୍ତି 

ଏ କଥାରେ ନୂତନ ପିଢିର ଦୋଷ କଅଣ କୁହ

ଏଥିପାଇଁ କଅଣ ଏ ଦେଶର ଦାୟାଦ, ଉତ୍ତର ଦିଅ ।

ଆମେ ଓଡ଼ିଆ, ବହୁତ ବଢ଼ିଆ, ନାହିଁ ଆମଠାରୁ ଭଲ ସଂସ୍କୃତି

କୋଡିଏ ବରଷ ଶାସକ ହୋଇ ତ ଓଡିଆ ତ ନଜାଣନ୍ତି

ଏ କଥାରେ ନୂତନ ପିଢିର ଦୋଷ କଅଣ କୁହ

ଏଥିପାଇଁ କଅଣ ଏ ଦେଶର ଦାୟାଦ, ଉତ୍ତର ଦିଅ ।

ଓଡ଼ିଆ ଭାଷାକୁ ସମୃଦ୍ଧ କରିବି, ଦିଏ ମୁଁ ବଡ ଭାଷଣ

ଦିନକୁ ଦିନ ପବ୍ଲିକ ସ୍କୁଲ ହୋଇ ଚାଲିଛି ସମ୍ପ୍ରସାରଣ

ଏ କଥାରେ ନୂତନ ପିଢିର ଦୋଷ କଅଣ କୁହ

ଏଥିପାଇଁ କଅଣ ଏ ଦେଶର ଦାୟାଦ, ଉତ୍ତର ଦିଅ ।

ଘରେ ବସି ପ୍ରାର୍ଥନା କଲେ ଦିଅ ଓଡିଆ ମାନଙ୍କୁ ସଦବୁଦ୍ଧି

ଫେରି ଆସିବକି ଓଡିଶାର ଗୌରବ, ଭାଷା ଓ ସଂସ୍କୃତି

ଏ କଥାରେ ନୂତନ ପିଢିର ଦୋଷ କଅଣ କୁହ

ଏଥିପାଇଁ କଅଣ ଏ ଦେଶର ଦାୟାଦ, ଉତ୍ତର ଦିଅ ।