ବ୍ୟଥା ଭରା ଏ ଜୀବନ

ବ୍ୟଥା ଭରା ଏ ଜୀବନ 

ହସର ଲୁହର 

ସୁଖ ଆଉ ଦୁଃଖ ସାଥେ 

ଚାଲେ ନିରନ୍ତର l

କେବେ ଖରା କେବେ ଛାଇ 

ଭଲ ଆଉ ମନ୍ଦ 

କେବେ କେବେ ଜୀବନରେ 

ଭରିଯାଏ ଦ୍ଵନ୍ଦ l

ନିତି ଚାଲେ ଏଠି ଖେଳ 

ଛାଇ ଆଲୁଅର 

କିଛି ସତ କିଛି ମିଛ 

ଆଲୁଅ ଅନ୍ଧାର l

ଆଶା ତ ଅନେକ ଏଠି 

ସ୍ବପ୍ନ ବି ଅନେକ 

ରୋଗ ଶୋକ ଜରା ବ୍ୟାଧି 

ଯାତନା ଅନେକ l

କେବେ କେବେ ଉଠେ ପୁଣି 

କଥା ସାମର୍ଥ୍ୟର 

ସାମର୍ଥ୍ୟ ନଥିଲେ ଏଠି 

କେ' ନୁହେଁ କାହାର l

ନିଜ କର୍ମ ନିଜ ପାଇଁ 

ବଇରୀ ସାଜଇ 

ଅନୁତାପେ କେବେ କେବେ 

ଉତ୍ତର ଖୋଜଇ l

ଅତୀତ ବି ଦିନେ ଏଠି 

ହୋଇଯାଏ ପର 

କାଲିକି ଅନ୍ତର ଏଠି 

ଆଜିର ଖବର l