ଲାଇବ୍ରେରୀ
ପ୍ରୋଫାଇଲ୍
ଇଚ୍ଛାହୁଏ ପୁଣି ଥରେ
ଇଚ୍ଛାହୁଏ ପୁଣି ଥରେ
1 min
41
ଇଚ୍ଛାହୁଏ ପୁଣି ଥରେ
ତୁମ ମାନଙ୍କର କୋଳାହଳ ଶୁଣିବାକୁ
ଆଉ ସେଇ କୋଳାହଳ ଭିତରେ
ତୁମ ମାନଙ୍କର ସୁଷମ କଳେବରକୁ ଆଙ୍କିଦବାକୁ.....।।
ଇଚ୍ଛା ହୁଏ ପୁଣିଥରେ
ତୁମ ମାନଙ୍କ ସହ ଖୁସିଗପ କରିବାକୁ
ଆଉ ସେଇ ଗପ ଭିତରେ
ଦୁଃଖ ଆଉ ସୁଖର ଅଂଶୀଦାର ହେବାକୁ.......।।
ଇଚ୍ଛା ହୁଏ ପୁଣିଥରେ
ତୁମମାନଙ୍କୁ ସବୁବେଳେ ଏମିତି ହିଁ
ମୋ ସମ୍ମୁଖରେ ରଖିବାକୁ
ଆଉ ପଢା ଭିତରେ ଜୀବନର
ନବାଶାର ବିଶ୍ଳେଷଣ କରିବାକୁ….।।
ଇଚ୍ଛା ହୁଏ ପୁଣିଥରେ
ସେଇ ବିତିଯାଇଥିବା ସ୍ୱର୍ଣ୍ଣିମ ମୁହୂର୍ତ୍ତ ଗୁଡିକୁ
ଭାବର ଡୋର ନେଇ ଫେରେଇ ଆଣିବାକୁ
ଆଉ ପୁଣିଥରେ ସେଇ ସମୟକୁ ମନଭରି ଜିଇଁବାକୁ.....।।
ଇଚ୍ଛା ହୁଏ ପୁଣିଥରେ
ତୁମସାଥିରେ ଭାବ ବାଣ୍ଟିବାକୁ
ଜୀବନର ପରୀକ୍ଷା ଖାତାରେ
ସଫଳତା ଓ ଅସଫଳତାର ପ୍ରଶ୍ନଟିକୁ
ସମୟର କଲମ ଆଉ
ପରିସ୍ଥିତିର ଅକ୍ଷରକୁ ନେଇ
ତା'ର ସମାଧାନ କରିବାକୁ….।।
ଇଚ୍ଛା ହୁଏ ପୁଣିଥରେ
ତୁମ ସହ ସମୟ ବାଣ୍ଟିବାକୁ, ରହିବାକୁ .....।।
