Library
Profile
କଳିଯୁଗ ବିବାହ
କଳିଯୁଗ ବିବାହ
ନାହିଁ ତ୍ରେତାଯୁଗ ନଗରୀ ଅଯୋଧ୍ୟା
ଶ୍ରୀରାମ ପୁରୁଷୋତ୍ତମ
ପବିତ୍ର ଜାହ୍ନବୀ ଘୋର କଳିଯୁଗେ
ପ୍ରବହନ୍ତି ମାତ୍ର ନାମ ।
ପ୍ରଦୂଷିତ ଗଙ୍ଗା ସ୍ରୋତସ୍ୱନୀ ଧାର
ଜଳ ସ୍ଥଳ ଓ ଆକାଶ
ବୈକୁଣ୍ଠ ସମାନ ଘର ପରିବାର
ସୁସ°ସ୍କୃତି ଇତିହାସ ।
ନାହିଁ ସୁବିଶ୍ୱାସ ସମ୍ବନ୍ଧ ସମ୍ପର୍କ
ଭକ୍ତି ନିଷ୍ଠା ସମର୍ପଣ
ସଞ୍ଚରୁନି ଖୁସି ସମାଜେ ବିବାହ
ପାଲଟିଛି ପ୍ରହସନ ।
ବିବାହ ପୂର୍ବରୁ ଯୁବକ ଯୁବତୀ
ହେଉଛନ୍ତି ଉତ୍ସୃଙ୍ଖଳ
ନିଜ ମନଇଚ୍ଛା ରହନ୍ତି ଏକତ୍ର
ମିଳନେ ନାହିଁ ବାରଣ ।
ଆଖି ବୁଜି ପିଇ ଘାଟଘାଟ ପାଣି
ଧରମକୁ ଆଖିଠାରି
ବିବାହ ନାମରେ&nbs
p; ଚାଲିଛି ଫେସନ
କର୍ପୂର ଗଲାଣି ଉଡି ।
ହନିମୁନ ହୁଏ ହିଲ ଷ୍ଟେସନରେ
ବୁଲାବୁଲି ବିଦେଶରେ
ବୃଦ୍ଧ ମାତାପିତା ସଢ଼ନ୍ତି ଗାଆଁରେ
ନ ଚାହାନ୍ତି ଆଖିକୋଣେ ।
ପତ୍ନୀ ବଶମ୍ବଦ ନ ରହିଲେ ସ୍ୱାମୀ
ଅବିଳମ୍ବେ ଛାଡପତ୍ର
ହୁଅନ୍ତି ଅନାଥ ଦୁର୍ଭାଗ୍ୟ ସନ୍ତାନ
ଶିଶୁ କନ୍ୟା ଅବା ପୁତ୍ର ।
ପାଶ୍ଚାତ୍ୟ ପ୍ରଭାବୁ ବୋଲାଉଛୁ ଆମେ
ଶିକ୍ଷିତ ଅତ୍ୟାଧୁନିକ
ଏବେ ପ୍ରଜାପତ୍ୟ ମଙ୍ଗଳ ବିବାହ
ପୈଶାଚିକ ଆସୁରିକ ।
ସଙ୍କ୍ରମିତ ବ୍ୟାଧି ରକ୍ତ ଅସ୍ଥି ମଜ୍ଜା
ପ୍ରଦୂଷଣ ଘନଘୋର
ବଢେ ବିଶୃଙ୍ଖଳା ଅସାମାଜିକତା
ମ୍ଳେଚ୍ଛତ୍ୱ ବର୍ଣ୍ଣସଙ୍କର ।
