ଶୀତୁଆ ରାତି

ତା ଅଧା ଲଙ୍ଗଳା ଦେହ 

ଆଉ ଡରୁଆ ଡରୁଆ ଆଖି l 

ଭୋକେ ଶୁଖିଲା ମୁହଁ 

ବଡ ଦାରୁଣ ପରିସ୍ଥିତି  l 

କେବେ ବସ୍ ଷ୍ଟାଣ୍ଡରେ ବସେ 

ଆଉ କେବେ ଷ୍ଟ୍ରିଟ୍ ଲାଇଟ୍ ତଳେ l 

ଚାକଚକ୍ୟ ସହରକୁ ନିରେଖି ଦେଖେ 

ତା ଅନ୍ଧାରୁଆ ବସ୍ତି ଆଢୁଆଳେ l 

ତା କୁନି କୁନି ହାତ ଦୁଇ 

ସାଉଁଟୁ ଥାଏ ଅଇଁଠା ବାସନ l 

ଫୁଟଫାତର ଅଳିଆ ଗଦାରେ 

ଗୁମୁରି କାନ୍ଦେ ତା ମଉଳା ସପନ l 

ଶୀତ ରାତିରେ, ଫୁଙ୍ଗୁଳା ଦେହରେ 

ହାଲିଆ ଆଖିକୁ ବୁଜିଦେଇ ଲୋଟି ପଡେ ତଳେ l 

ପୁଣି ତର ତର ହୋଇ ଉଠିପଡି ବାହାରି ଯାଏ 

ଜରିଗୋଟା ମଇଳା ବସ୍ତାନୀକୁ ଧରି କାନ୍ଧରେ l 

ଭାରି ବ୍ୟସ୍ତ ଥାଏ ସେ ନିତିଦିନ 

ତା କୁନି ପେଟକୁ ଦେଇ ମିଛ ପ୍ରତିଶୃତି l 

ଟିକେ ଖାଦ୍ୟ ସନ୍ଧାନରେ ଗଳିକନ୍ଦି ବୁଲୁବୁଲୁ 

ପୁଣି ହାଜର୍ ହେଇଯାଏ ଶୀତୁଆ ରାତି l