ନାଲିଶ୍

              

ଜୀବନ!

ମାଟି କାନ୍ଥ ଠଣାରେ,

ସାଇତା ଅପହଞ୍ଚ ଅଭିଳାଷ ।

ବର୍ଷାକୁ ଡରୁଡରୁ,

କାନ୍ଥ ଭୁଷୁଡ଼ି ଗଲା….

ଆଜିବି ଓଦା ଓଦା ନିଶ୍ୱାସ ।

ପରସ୍ତେ ଧୂଳି ଜମିଗଲା,

ଥାକ ଥାକ ଅଭିମାନରେ ।

ହଁ ସେବେଠୁ,

ନିଃସଙ୍ଗତା ହିଁ ସାଥି…

ଯାହା କିଛି ଶବ୍ଦ ସାଜେ ଅନୁଭୂତିରେ ।

ଅନେକ ଥର ଭାଙ୍ଗିଛି,

ଶକ୍ତ ହୋଇ ଗଢ଼ିହେବା ନିଶାରେ ।

ଆଜିବି ଚେଷ୍ଟା,

ଅଙ୍କିବାକୁ ଗାଁ ଦାଣ୍ଡ,

ଏ ଦେଖାଣିଆ ସହର ଗଳିରେ….

ଅନେକ ଥର ମରିଛି,

ଅଣଦେଖା ନଜରର କଥାରେ ।

ରାତିଵି ଭିଜିଛି,

ଅଦେଖା, ଅକୁହା ଲୁହରେ ।

ସେ ଅଭିଯୋଗ ଆଜିବି କରିନି,

ସାକ୍ଷୀ ଅଭାବରେ….. ।