ଶ୍ରାବଣୀ ଆସିଛି ଶ୍ରାବଣ ନେଇ

ଶ୍ରାବଣୀ ଆସିଛି ଶ୍ରାବଣ ନେଇ

ଶ୍ରାବଣୀ ଆସିଛି ଶ୍ରାବଣ କୁ ନେଇ

ହସେ ବିଲ ବନ ଭୂଇଁ

ନବ କିସଳୟ କେଡେ କମନୀୟ

ପବନ ରେ ଦୋହଲଇ ।

ଝିପି ଝିପି ବର୍ଷା ଟିକି ଟିକି ଟୋପା

ଗଛ ପତରେ ପଡଇ

ଚାଷୀ ମନେ ଖୁସି ଯାଏ ହସି ହସି

ଚାଷ କାମେ ମାତି ରହି ।

ଆହା କି ଆନନ୍ଦ ବରଷେ ବାରିଦ

ଗଛ ଲତା , ତରୁ ତୃଣ

ନବ ଜଳଧାର ପରଶେ ରୁଚିର

ବଢ଼ି ଦିଶେ ଛନ ଛନ ।

ଶ୍ରାବଣ ଆଗମେ କାଉଡ଼ିଆ ଗମେ

ଶ୍ରାବଣ ସୋମ ବାର ରେ

ବୋଲ ବମ୍ ଧ୍ଵନି କରି ଭାର ଘେନି

ଢାଳଇ ଶିବ ମନ୍ଦିରେ ।

ମୟୂର ନର୍ତ୍ତନ ବେଙ୍ଗ ଗରଜନ

ସହିତ ଶ୍ରାବଣ ମାସ

ନାନା ଫୁଲ ଫଳ ଭାର ସବିପୂଳ 

ଯୋଗାଇ କରେ ହରଷ ।