ଅଂଶୁଘାତ

ବଇଶାଖ ଜ୍ୟେଷ୍ଠ ଏଇ ଦୁଇ ମାସ 

ଗ୍ରୀଷ୍ମ ଋତୁ ଥାଏ ହୋଇ  ।

ରୌଦ୍ର ତାପ ବଢେ ପ୍ରଚଣ୍ଡ ରୌଦ୍ରରେ 

ଅଂଶୁଘାତ ହୋଇଥାଇ  ॥୧॥

ସୂର୍ଯ୍ୟନାରାୟଣ ପ୍ରଖର କିରଣ 

ଢାଳନ୍ତି ପୃଥିବୀ ପରେ  ।

ଅସହ୍ଯ ଜାଳରେ ଜଳଇ ପୃଥିବୀ

ଘରୁ କେ ବାହାରି ପାରେ  ॥୨॥

ଜଳୀୟ ଅଂଶ ଶରୀରରୁ କମଇ 

ଦୁର୍ବଳ ହୁଏ ଶରୀର  ।

ଅମାନିଆ ହୋଇ ବାହାରକୁ ଗଲେ

ଅଂଶୁଘାତର ଶିକାର  ॥୩॥

ପରିଶ୍ରମ ଯଦି ଖରାରେ କରିବ 

ପେଟ ଯଦି ଥିବ ଖାଲି  ।

ଅଂଶୁଘାତ ହେବ ଖରାରେ ଗ୍ରୀଷ୍ମ 

ପ୍ରବାହେ ଯିବ ଯଦି ଚାଲି  ॥୪॥

ପ୍ରତିହତ ଅଂଶୁଘାତକୁ କରିବା

ଟିକିଏ ସତର୍କ ହେବା  ।

ଆବଶ୍ୟକ ଯଦି ନିହାତି ପଡିବ 

ବାହାରକୁ ବାହାରିବା  ॥୫॥

ଛତା ଯୋତା ପାଣି ବୋତଲ ଧରିବା 

ପେଟ ଖାଲି ନରଖିବା  ।

ଓ ଆର୍ ଏସ୍  ଲୁଣ ଚିନି ପାଣି 

ପଇଡପାଣି ପିଇବା  ॥୬॥

ପଖାଳ ଭାତଟି ଖରାକୁ ବଢିଆ 

ପଖାଳ ଭାତ ଖାଇବା। 

ଓଦା ଗାମୁଛାକୁ ମୁଣ୍ଡରେ ପକାଇ 

ଘରୁ ଆମେ ବାହାରିବା  ॥୭॥

ଗଛ ତ କାଟିଲେ କଂକ୍ରିଟ ସହର 

ଗଢିଲେ ଯତନ କରି  ।

ସୂର୍ଯ୍ୟଙ୍କର ତାପ ଅସହ୍ଯ ହେଉଛି 

ଅଂଶୁଘାତ ହୁଏ ଭାରି  ॥୮॥

ନିଜେ ଆମେ ସବୁ ସାବଧାନ ରହି 

ଅନ୍ୟକୁ ବି ଜଣାଇବା  ।

ଯେତେ ରୌଦ୍ର ତାପ ହେଉ ପଛେ 

ଅଂଶୁଘାତକୁ ରୋକି ପାରିବା  ॥୯॥