କେତେ ପରକାରେ

କେତେ ପରକାରେ ଡାକିବି ହେ ନାଥ

       ସବୁ ଶୁଣି କିଆଁ ମୌନ

ହୃଦୟରେ ଦିଅ ଖୋଜିବା ପ୍ରକୃତି

        ତୁମ ପାଦ ନୀଳାଞ୍ଜନ ।

ମଉନ ଦେବତା ମଉନ ଭାଷାରେ

        କେତେ କଥା କହି ପାର

ବରଷ ତମାମ ଲୀଳା ଲଗାଇଛ 

         ଏହି ଅଳିକ ସଂସାର।

ଯିଏ ଯେମିତିକା ଜନମ ନେଇଛି

       ବଞ୍ଚିବାରେ ନାହିଁ ବାଧା

କୋଟି କୋଟି ପ୍ରାଣୀ ମନ ଅନୁଯାୟୀ

        ଭୋଗନ୍ତି ସବୁ ସୁବିଧା ।

ତାଙ୍କରି ସେବାରେ ପର ହିତେ ସଦା

       ବିତି ଯାଉ ଏ ଜୀବନ

ଧରିତ୍ରୀ ହସିବ କାଳିଆ ହସିବେ

       ପ୍ରାଣରେ ଲାଗୁ ସ୍ପନ୍ଦନ।

ଏଇ ଭିକ୍ଷା ମାଗୁ ପ୍ରତିଟି ମଣିଷ

       ସୁଖରେ ଚଳିବା ପାଇଁ

ଆମରି ଦେବତା ଆମ ପ୍ରତି ଦେବେ

       କରୁଣା ଧାରା ବୁହାଇ।