ଅବିନାଶୀ ଆତ୍ମା
ଅବିନାଶୀ ଆତ୍ମା
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଆତ୍ମା ପରମାତ୍ମା ତତ୍ତ୍ଵର କଥା ଯେ
ଆତ୍ମା ଅଟେ ଅବିନାଶୀ
ଶରୀର ଭିତରେ ସଦା ବିରାଜିତ
ଶୁଦ୍ଧ ଚେତନାରେ ସ୍ଫୁର୍ତ୍ତି ।
ପରମାତ୍ମାଙ୍କର ଚିରନ୍ତନ ଚିନ୍ତା
ଶାଶ୍ବତ ତା ଉପସ୍ଥିତି
ଅଦୃଶ୍ୟରେ ରହି ନିର୍ଲିପ ରୁହେ ସେ
ମୋହେ ହୁଏ ନାହିଁ ଛନ୍ଦି ।
ସତ୍ୟ, ଶାନ୍ତି, ଦୟା, କ୍ଷମା, ପ୍ରେମେ ଭରା
ଆତ୍ମାର ପ୍ରତିଟି ଛନ୍ଦ
ଶରୀରର କର୍ମ ପ୍ରବାହେ ହୁଅଇ
ତା ଜନ୍ମ ମୁକ୍ତିର ଦିଗ ।
ଆତ୍ମା ପରମାତ୍ମା ସମ୍ପର୍କର ସୂତ୍ର
ଜୀବନ ମୁକ୍ତିରେ ବନ୍ଧା
ଉତ୍ତମ କର୍ମର ପ୍ରତିଟି ଛନ୍ଦ ଯେ
ଆତ୍ମାକୁ କରେ ମୋହିତା ।
କର୍ମ ଫଳ ସଙ୍ଗେ ଯୋଡି ହୋଇ ଆତ୍ମା
ପୁନର୍ଜନ୍ମ ବାନ୍ଧି ହୁଏ
ବ୍ରହ୍ମ ଅନୁଭବ କରିପାରିଲେ ସେ
ପରମାତ୍ମା ସଙ୍ଗେ ମିଶେ ।
ସୁଷୁସ୍ନା ନାଡ଼ିରେ ସ୍ଥିତ ହୋଇ ଆତ୍ମା
ପବିତ୍ର ଆଳୟେ ଯାଏ
ଶୁଦ୍ଧ ସଂସ୍କାରରେ ପ୍ରଲେପରେ ଆତ୍ମା
ଶାନ୍ତିର ବାରତା ଦିଏ ।
ଶରୀର ଅଟଇ ଅବକ୍ଷୟୀ ସ୍ରୋତ
ଆତ୍ମା ଅଟେ ଅବିନାଶୀ
ଶରୀର କୁ ଦେବା ଡାକରା ଆମେ ରେ
ଶୁଣିବାକୁ ଆତ୍ମା ଗୀତି ।
ଜନ୍ମ ମୃତ୍ୟୁ ଜାଲେ ଛନ୍ଦି ହେବା ନାହିଁ
ଆତ୍ମାକୁ ଅନୁଭବିବା
ଚିର ଶାଶ୍ଵତ ସେ ଅମୃତ ସ୍ଥିତିକୁ
ସଦା ନିର୍ମଳ ରଖିବା ।
ଆତ୍ମ ଚେତନାର ପବିତ୍ର ସ୍ପର୍ଶକୁ
ଶରୀରେ ଅନୁଭବିବା
ଦିବ୍ୟ ଚେତନାର ଅପୂର୍ବ ଆଲୋକେ
ଆଲୋକିତ ହୋଇଯିବା |
ଜରା ବ୍ୟାଧି ସିନା ଶରୀରକୁ ଗ୍ରାସେ
ଆତ୍ମା ଅଟେ ଚିରନ୍ତନ
ନିର୍ମହ କର୍ମରେ ନିର୍ମଳ କରିବା
ଆତ୍ମା କୋଣ ଅନୁକୋଣ ।
ନିର୍ମଳ ଚେତନା ନିର୍ମୋହ କର୍ମରେ
ଭାବିବା ମୁକ୍ତିର କଥା
ବାରମ୍ଵାର ଜନ୍ମ ବନ୍ଧନ ଫାନ୍ଦରୁ
ଆତ୍ମା କୁ ମୁକାଳି ଦେବା ।
ଆତ୍ମା ଅବିନାଶୀ ଶାନ୍ତିର ସ୍ଥଳ ଟେ
ଆତ୍ମାର ଡାକ ଶୁଣିବା
ସୁନ୍ଦର ସଂସ୍କାରେ ପ୍ରତିଟି ଆତ୍ମାର
ମୁକ୍ତିରେ ସହାୟ ହେବା ।
ଶରୀର ତତ୍ତ୍ଵକୁ ରଙ୍ଗାଇବା ଆସ
ଆତ୍ମା ତତ୍ତ୍ଵର ରଙ୍ଗରେ
ପୁନର୍ଜନ୍ମ ବନ୍ଧ ଭାଙ୍ଗିଯିବ ସିନା
ସ୍ରଷ୍ଟା ସନ୍ତୁଷ୍ଟ ହୋଇବେ ।
ଶରୀର ର ଶେଷ ଯାତ୍ରାରେ ହେବାନି
କେବେ ଆମେ ଅସହାୟ
ଆତ୍ମା ପରା ଅଟେ ଚିର ଅବିନାଶୀ
ଅଟେ ଶାନ୍ତିର ନିଳୟ ।