ଲାଇବ୍ରେରୀ
ପ୍ରୋଫାଇଲ୍
ଲକ୍ଷ୍ମୀ ନାରାୟଣଙ୍କ ପଶାଖେଳ
ଲକ୍ଷ୍ମୀ ନାରାୟଣଙ୍କ ପଶାଖେଳ
ଲକ୍ଷ୍ମୀ ନାରାୟଣଙ୍କ ପଶାଖେଳ
===============
ଶରଦ ପୂର୍ଣ୍ଣିମା ରାତ୍ରୀ ଉଦେ ନିଶାକର l
ଲକ୍ଷ୍ମୀ ଲକ୍ଷ୍ମୀନାହାଙ୍କର ପଡ଼ିଛି ବିଚାର ll
ସିଂହ ଦ୍ୱାରେ ଲାଗି ଅଛି ଭକ୍ତଙ୍କ ଗହଳି l
ଲକ୍ଷ୍ମୀନାରାୟଣଙ୍କର ଆଜି ପଶାକେଳି ll
ଶୁଦ୍ଧ ସୁବର୍ଣ୍ଣ କୋଠୀରେ ସୁବର୍ଣ୍ଣ ଆସନ l
ମହାଲକ୍ଷ୍ମୀ ସଙ୍ଗେ ପ୍ରୁଭୁ ଗରୁଡ଼ ବାହନ ll
ଜୁଅ କଉଡ଼ି ମୁଠିରେ ମେଲି ପଶାପାଲି l
କମଳାଙ୍କ ସହ ଖେଳ ପ୍ରଭୁ ବନମାଳୀ ll
ପ୍ରଥମ ମୁଠିରେ ଭକ୍ତ କଲେ ଜୟ ଜୟ l
ମୁକୁଟ ହାରିଲେ, ପ୍ରଭୁ ଲଭି ପରାଜୟ ll
ଦ୍ୱିତୀୟ ବାଜିରେ ହାରି ଜଗତ ଠାକୁର l
ବୋଲନ୍ତି ଲକ୍ଷ୍ମୀଙ୍କୁ ନିଅ ଗଳାରତ୍ନହାର ll
ତୃତୀୟେ ହାରିଲେ ପୁଣି କମଳ ନୟନ l
କମଳାଙ୍କୁ ବନ୍ଧାଦେଲେ ହସ୍ତର କଙ୍କଣ ll
ଚତୁର୍ଥବାଜିରେ ହାରି ପୁନଃ ଲକ୍ଷ୍ମୀନାହା l
ବୋଲନ୍ତି କୁଣ୍ଡଳଘେନ ସାଗର ତନୟା ll
ଆନଖେଳ ମହାପ୍ରଭୁ ଯହୁଁ ଗଲେ ହାରି l
ପ୍ରଭୁଙ୍କୁ ବାନ୍ଧିଲେ ମାତ ସାଗରସୁନ୍ଦରୀ ll
ଏମନ୍ତ ବନ୍ଧାରେ ପ୍ରଭୁ ରାତ୍ରୀଗଲା ପାହି l
ପ୍ରଭୁ ବାର୍ତ୍ତାଦ୍ୟନ୍ତି ଭକ୍ତ ଜୁଆଖେଳନାହିଁ ll
ଜୟ ଜୟ ମହାଲକ୍ଷ୍ମୀ ଜୟ ତୁମ୍ଭ ଲୀଳା l
ଚରଣେ ତୋହର ମାଆ ଅଧମ ନମିଲା ll
🙏🙏🙏
ଅର୍ଜୁନୀ
-------------
ଅର୍ଜ୍ଜୁନୀ ଚରଣ ବେହେରା
ମୋ -୭୬୯୩୦୯୧୯୭୧
