ପ୍ରଭୁ ଶ୍ରୀରାମଙ୍କ ଦୁର୍ଗା ସ୍ତୁତି
ପ୍ରଭୁ ଶ୍ରୀରାମଙ୍କ ଦୁର୍ଗା ସ୍ତୁତି
ପ୍ରଭୁ ଶ୍ରୀରାମଙ୍କ ଦୁର୍ଗା ସ୍ତୁତି
==============
ଜୟ ଜୟ ଜୟ ମାଆ ଦୁର୍ଗତିନାଶିନୀ l
ଦୁର୍ଗତିକାଳରେ ରାମ କରୁଛି ଦୟିନୀ ll
ପିତା ମମ ଦଶରଥ ଅଯୋଧ୍ୟା ରାଜନ l
ପିତୃସତ୍ୟ ପାଳି ବାସକଲି ଆସି ବନ ll
ହାପୁତ୍ର ହାପୁତ୍ର ପିତା ଗଲେ ସ୍ୱର୍ଗବାସ l
ତିନି ଜନନୀଙ୍କ ଦୁଃଖ କହିବି ମୁଁ କିସ ll
ଦୁର୍ଗମଅରଣ୍ୟେ ବୁଲୁ ଫଳ ମୂଳ ଖାଇ l
ପତ୍ନୀ ଜାନକୀ ସହିତ ଲଇକ୍ଷଣ ଭାଇ ll
ଗୋଦାବରୀତଟ ମାତ ବନ ପଞ୍ଚବଟୀ l
ବାସକଲୁ ତହିଁ ଆମ୍ଭେ କରି ପର୍ଣ୍ଣକୁଟୀ ll
ଏଠାରେ ପଡ଼ିଲା ଆସି ଏ ମହାବିପତ୍ତି l
ପତ୍ନୀ ମମ ହରିନେଲା ଦୁଷ୍ଟ ଲଙ୍କପତି ll
ଜନକ ନନ୍ଦିନୀ ସୀତା ଅତି ସୁକୁମାରୀ l
ରାକ୍ଷସୀମେଳରେ ରଖିଅଛି ବନ୍ଦିକରି ll
ଜଟାୟୁ ସମ୍ବାଦ ପାଇ ଏହା ମୁହିଁ ଜାଣି l
ଅସହାୟ ମାଆ ମୁହିଁ କରଇ ଦୟିନୀ ll
କିଷ୍କିନ୍ଧ୍ୟାରେ ସୁଗ୍ରୀବଙ୍କୁକଲି ମୁହିଁ ବନ୍ଧୁ l
ହନୁ କଲେକସନ୍ଧାନ ଲଂଘି ମହାସିନ୍ଧୁ ll
ସମୁଦ୍ରବକ୍ଷରେ ମାତ ବାନ୍ଧି ସେତୁବନ୍ଧ l
ଲଙ୍କାଆସିଛି ରାବଣେ କରିବଇଁ ଯୁଦ୍ଧ ll
କି ଯୁଦ୍ଧ କରିବି ମାତ ବୁଦ୍ଧି ଦିଶୁ ନାହିଁ l
ରାବଣ ତୁମ୍ଭଆଶ୍ରିତ ଯହୁଁ ମହାମାୟୀ ll
ତ୍ରିପୁର ବିଜୟୀ ମହା ବୀର ଦଶାନନ l
କପି ବଳ ଧରି ମାଆ କି କରିବି ରଣ ll
ଚଣ୍ଡିକା ଅମ୍ବିକାଉମା ଗଉରୀ ଶଙ୍କରୀ l
କିଞ୍ଚିତେ କରୁଣାକର ମାତ ବିଶ୍ଵମ୍ଭରୀ ll
ଦୟାକର ଦୟାମୟୀ ହୁଅ ମା ପ୍ରସନ୍ନ l
ପ୍ରଣାମକରଇ ରାମ ସୂତ ତୋ ଅଧମ ll
ସ୍ତୁତିଶୁଣି ମହାମାୟା ସୁପ୍ରସନ୍ନହେଲେ l
ଯୁଦ୍ଧ କର ଯୁଦ୍ଧକର ରାମଙ୍କୁ କହିଲେ ll
ସହାୟ ହୋଇବି ମୁହିଁ ନିଅ ବରାଭୟ l
ଧର୍ମ ସଂସ୍ଥାପନେ କର ଅଧର୍ମର କ୍ଷୟ ll
ଏହାକହି ଅନ୍ତର୍ହିତହେଲେ ମହାମାୟୀ l
ଲଙ୍କପତିବଧି ରାମହେଲେ ଯୁଦ୍ଧଜୟୀ ll
ପାଳିତ ହୁଏ ଏ ପର୍ବ ନାମେ ଦଶହରା l
ଜୟ ମା ବିଜୟା ଦଶଭୂଜା ବିଶ୍ଵମ୍ଭରା ll
🙏🙏🙏
ଅର୍ଜ୍ଜୁନୀ
-----------------
ଅର୍ଜୁନୀ ଚରଣ ବେହେରା
ମୋ -୭୬୯୩୦୯୧୯୭୧
