ମୋ ବିଡ଼ମ୍ବିତ ଭାଗ୍ୟରେଖା
ମୋ ବିଡ଼ମ୍ବିତ ଭାଗ୍ୟରେଖା
ମୋ ମୁହଁରେ କଳା କଳଙ୍କ ମୋହର
ତୋ ମୁଁହରେ କଳା ସୌନ୍ଦର୍ଯ୍ୟ ଟୀକା
ଏ ତ ମୋ ବିଡ଼ମ୍ବିତ ଭାଗ୍ୟରେଖା ।
ଅଧାଗଢ଼ା ହୋଇ ପୂର୍ଣ୍ଣବ୍ରହ୍ମ ତୁହି
ନାଥ ଅଟୁ ଜଗତର
ଦୀନଜନ ଦେଖି ଦୁଃଖ ଦେଉ ବେଶୀ
ଧନ୍ୟଧନ୍ୟ ତୋ ବିଚାର ।
ତୁ ବେତ ମାଡ଼ ଦେଇ ପାଉଣା ପାଉଛୁ
ମାଡ଼ ଖାଇ ବି ମୁଁ ମୋ ଝୁଲା ଫାଙ୍କା
ଏ ତ ମୋ ବିଡ଼ମ୍ବିତ ଭାଗ୍ୟରେଖା ।
ମାନ ଉଦ୍ଧାରଣ ମାନ ବିଭଞ୍ଜନ
ଅଟେ ପରା ତୋର ନାମ
ସେଥିପାଇଁ ବୋଧେ ବାରବାର ତୁହି
ଦେଉ ମୋତେ ଅପମାନ ।
ଛପନ ଭୋଗ ତ ତୋତେ ରୁଚେ ନାହିଁ
ମୁଁ ବାସି ପେଜ ମୁନ୍ଦିକରେ ରଙ୍କା
ଏ ତ ମୋ ବିଡ଼ମ୍ବିତ ଭାଗ୍ୟରେଖା