ଗଜବଦନ ହେ ଗଜବଦନ
ଗଜବଦନ ହେ ଗଜବଦନ
ଗଜବଦନ ହେ ଗଜବଦନ l
ଗଜ ଉଦ୍ଧାରଣ ମଧୁସୂଦନ ll
କେଶୀ ନିସୂଦନ ଆହେ କଂସାରୀ l
ପଥରେ ତାରିଲ ପଥର ନାରୀ ll
ବଇଶାଖ ଜ୍ୟେଷ୍ଠ ଭାରି ଗ୍ରୀଷମ l
ଗ୍ରୀଷମ କଷଣ ବଡ଼ ବିଷମ ll
ଚନ୍ଦନ କେଳିରେ ଚନ୍ଦନ ବୋଳି l
ଚନ୍ଦନବେଶ ହେଲ ବନମାଳୀ ll
ଚନ୍ଦନ ବେଶରେ ସନ୍ତୋଷ ନୋହି l
ସ୍ନାନଯାତ୍ରା କଲ କଳା ଗୋସାଇଁ ll
ସକଳ ତୀର୍ଥ ଯାହାଙ୍କ ଚରଣେ l
ମନ ବଳାଇଲ ତୀର୍ଥ ସ୍ନାହାନେ ll
ବାଜେ ଘଣ୍ଟ ଘଣ୍ଟା ବୀର କାହାଳୀ l
ତୀର୍ଥ ଜଳ ଆଣି ହୋଇଲ ଢାଳି ll
ଗଜାନନ ବେଶେ ହୋଇ ସୁବେଶ l
ଭକ୍ତ ଗଣପତି ହୋଇଲେ ତୋଷ ll
ସ୍ନାହାନ ସାରି ଅଣସର ଗଲ l
ଭକତ ମାନଙ୍କୁ ଅନାଥ କଲ ll
ଅଣସରେ ସାରି ଶୁଖ ଶୟନ l
ଦରଶନ ଦେବ ଚକା ନୟନ ll
ନବ ଯୋଉଵନେ ରଖିଲି ଆଶ l
ନିରାଶ ନୋହିବି ଜଗନ୍ନିବାସ ll