Library
Profile
ନୀଳ
ନୀଳ
ଓଁ ନୀଳ ଜୀମୂତ ବିଶ୍ଵରୂପୀ
ନୀଳ ଜଳଦ ତନୁ କାନ୍ତୀ
ନୀଳକାନ୍ତୀ ତେଜୋମୟ
ଇନ୍ଦ୍ରନୀଳ ମଣୀମୟ
କଟିରେ ପିତ ନୀଳକାଚ୍ଛ
ଶ୍ୟାମସୁନ୍ଦର ନୀଳବର୍ଣ୍ଣ
ନୀଳବରଣ ରାମକୃଷ୍ଣ
ନୀଳ ଉଲ୍ଲୋଳ କେଶଗୁଚ୍ଛ
ନୀଳ ଚନ୍ଦ୍ରିକା ମୟୁର ପୁଚ୍ଛ
ନୀଳ ଆଙ୍ଗୁଳି ବେଣୁ ରନ୍ଧ୍ରେ
ନୀଳକାଳିନ୍ଦୀ ବିଷ ନୀଳ
କ୍ଷୀରକଣିକା ନୀଳଦେହେ
ନୀଳକୁନ୍ତଳ ଚାରୁମୁଖ
କର୍ଣ୍ଣ ରେ ନୀଳ ଉତ୍ପଳ
କଟି ଦୁକୂଳ ନିଳାମ୍ବର
ଶ୍ରୀନୀଳ ନୀଳ ନିର୍ବିକାର
ନୀଳଶରୀର ଚାରି କର
ନୀଳ ସୁନ୍ଦର ରୂପ ଘନନୀଳ
ନିର୍ମଳ ବସ୍ତ୍ର ପୀତନୀଳ
ନୀଳକମଳ ମାଳ ଗଳେ
ନୀଳବସନ ଅନୁପମ
ନୀଳ ଗୋତ୍ରାଧିପତି
ନୀଳ ନୃସିଂହ ନୀଳ ଘଟପଟ
ଝଲମଲ ନୀଳମର୍କତ ତନୁ
ନୀଳବର୍ଣ୍ଣ ପାର୍ବଣ ନୀଳଜ୍ୟୋତି
ନୀଳଚାନ୍ଦିନୀ ଜ୍ୟୋତି
ନୀଳ ଶୋଭିତ ସୁଦର୍ଶନ
ନୀଳନାଭି ନବକଳେବର
ଚନ୍ଦନ ଚର୍ଚ୍ଚିତ ନୀଳକଳେବର
ନୀଳାମ୍ଭୂ ଜଳଧି ମହୋଦଧି
ତଟ ନୀଳଶୈଳ ନୀଳ ଚତୁର୍ଭୁଜ
ନୀଳାଚଳ ପତି ନୀଳସୂକ୍ତ
ନୀଳାମ୍ବର ସାନୁଜ ନୀଳାଦ୍ରୀଶ
ନୀଳାଚଳ କ୍ଷେତ୍ର ନୀଳାଦ୍ରୀ
ନୀଳସୁନ୍ଦର ପର୍ବତ
ନୀଳ କଳ୍ପବଟେ
ନୀଳପ୍ରସ୍ତର ବିଗ୍ରହରୂପ
ଘନନୀଳ ନୀଳମାଧବ
ନୀଳକନ୍ଦରାନନ୍ଦ ପୁରୁଷୋତ୍ତମ
ନୀଳାଦ୍ରୀ ବିହାରୀ ନୀଳାଦ୍ରୀନାଥ
ସୁଶୋଭିତ ନୀଳଚକ୍ର
ଆକାଶ ଶୋଭିତ ନୀଳ
ମେଘମାଳ ଅରୂପ ସ୍ଵଭାବ
ନୀଳମେଘ ରେ ବିଜୁଳି
ନୀଳ ନିର୍ବିକାର ଜଗନ୍ନାଥସ୍ୱାମୀ
ନୟନପଥଗାମୀ
ଭବତୁମେ...
***
(ପ୍ରିୟ ପାଠକ ବନ୍ଧୁ
'ଓଁ' ରୁ ଆରମ୍ଭ 'ବିନ୍ଦୁ' ରେ ଶେଷ. ଛନ୍ଦବିହୀନ କବିତା ଟିକୁ ଆରମ୍ଭରୁ ଶେଷ ପର୍ଯ୍ୟନ୍ତ ବିନା ବାଧା ରେ ପଢିବାକୁ ଅନୁରୋଧ କରୁଛି. ଶବ୍ଦ,ସ୍ପର୍ଶ,ରୂପ ଆଉ ରସ ଈଶ୍ୱରଙ୍କର,ମୁଁ ନିମିତ୍ତ ମାତ୍ର. ଆପଣମାନଙ୍କ ମତାମତ ଅପେକ୍ଷା ରେ....)
