ସୈନିକ ମୁଁ ସୀମାନ୍ତ ଯୋଦ୍ଧା

ମୁଁ ସୀମାନ୍ତ ଯୋଦ୍ଧା ବୀର ସଇନିକ 

    ବୀରତା ମୋ ପରିଚୟ 

ଜନମ ମୋହର ଦେଶ ସେବା ପାଇଁ 

    ମରିବାକୁ ନାହିଁ ଭୟ । 

ଶତ୍ରୁର ଗୁଳିକୁ  ଖାତିରି ନ କରି 

   ସୀମାରେ କରେ ମୁଁ ଯୁଦ୍ଧ 

ପଛ ଘୁଞ୍ଚା ନାହିଁ ଏ ବୀର ଜାତକେ 

   ଅସ୍ତ୍ର ଶସ୍ତ୍ରେ ସ୍ୱୟଂସିଦ୍ଧ ।

ଦେଶପ୍ରେମ ବହ୍ନି ହୃଦୟରେ ଜାଳି 

    ରଖିବି ଜାତିର ଟେକ

ନିପାତ କରିବି ମୋ ଦେଶରୁ ଶତ୍ରୁ 

   ସାଜି କି' ଦେଶ ରକ୍ଷକ । 

ପ୍ରାଣ ଠାରୁ ବଳି ଅଟେ ମାତୃଭୂମି 

    ଏକଥା ରଖିବି ଧ୍ୟାନ 

ସେବା ପାଇଁ ତା'ର ଗଲେ ପଛେ ଯାଉ

    ମୋର ଏ ତୁଚ୍ଛ ଜୀବନ । 

ସୈନିକ ବୋଲି ମୁଁ  ଗର୍ବେ କହୁଅଛି 

    ଫୁଲାଇ ମୋହର ଛାତି 

ଉଜାଗର ରହି ସୀମାରେ ଜଗିବି 

    ନ ମାନି ଦିନ କି' ରାତି ।