ତୁମେ ଆଉ ମୁଁ

ତୁମେ ସୁନ୍ଦର ନୀଳ କଇଁ ହେଲେ 

ମୁଁ ଅଭିଆଡି ଜହ୍ନରାତି 

ତୁମେ ଶୀତରାତିର ରେଜେଇ ହେଲେ

ମୁଁ ତୁମ ଫିଙ୍ଗୁଳା ଦେହର ଉଷୁମ ତାତି l

ତୁମେ ଅମାବାସ୍ୟା ରାତି ହେଲେ 

ମୁଁ ଉଁଆସି କନିଆଁ ଲୁହ  

ତୁମେ ଗେଣ୍ଡାଳିଆ ପକ୍ଷୀ ହେଲେ 

ମୁଁ ତୁମ ଗାଁ ଗହିରିଆ ଦଳୁଆ ଦହ l

ତୁମେ କଳା ଭଅଁର ହେଲେ 

ମୁଁ ତୁମ କଅଁଳ କାଠର ରୁଅ

ତୁମେ ଆମ ଗାଁ ନଈ ଅତାଡି ହେଲେ 

ମୁଁ ତୁମ ବଢନ୍ତା ନଈର ସୁଅ l

ତୁମେ କଳା ମୁଗୁନି ପଥରର ମୂର୍ତ୍ତି ହେଲେ 

ମୁଁ ତୁମ ଗଳାରେ ଝୁଲୁଥିବା ଟଗର ଫୁଲର ମାଳ 

ତୁମେ ଯୋଜନେ ଗଭୀର କୂଅହେଲେ

ମୁଁ ତୁମ ଦେଢ଼ ଯୋଜନ ଦଉଡ଼ିରେ ବନ୍ଧା ଢାଳ l

ତୁମେ ଏକେଲା ବାଟର ବାଟୋଇ ହେଲେ 

ମୁଁ ତୁମ ଝଙ୍କା ବରଗଛ ଛାଇ 

ତୁମେ ସିଂହର ଭୟାତୁର ଡାକ ହେଲେ 

ମୁଁ ତୁମ ଦୂର ବନସ୍ତରେ ଗୋଠ ହୁଡିଥିବା ଗାଈ l