ଚାଲ ବୁଲିଯିବା ବାଲିଯାତରା

କୁନା, ମୁନା, ଲିଜା, ସମୀରା

ଚାଲ ବୁଲିଯିବା ବାଲିଯାତରା l

କି' ସୁନ୍ଦର ଦିଶେ ବୋଇତ ସଜ୍ଜା 

ଆକାଶେ ଉଡୁଛି ଉତ୍କଳ ଧ୍ୱଜା l

ଏ ସନ ମେଳାରେ କେତେ ପସରା

ପସରା ଦେଖିବ ଖୁସିରେ ମୀରା l

ମିନା ବଜାରର ଖେଳନା ଦେଖି

ଆମ କୁନା ଆଖି ଯିବରେ ଲାଖି l

ମିଳିମିଶି ନେବା ଯାତରା ମଜା

ନାନା ପରକାର ଖାଇବା ଖଜା l

ଦୋଳିରେ ଝୁଲିବା ଖୁସିରେ ମଜି

ହାତୀ, ଘୋଡା, ବାଘ ଖେଳନା ଖୋଜି l

ସମ୍ପର୍କରେ ମିଠା ସେନେହ ନେସି 

ଚାଟ୍, ଦହିବରା ଖାଇବା ମିଶି l

ସାଧବ ପୁଅଙ୍କ କଥା ଜାଣିବା

ବୋଇତ ବନ୍ଦାଣ ପାଖୁ ଦେଖିବା l

ଦେଖି ସେଠାକାର ରୂପ ପସରା

ରଚନା ଲେଖିବା ବାଲିଯାତରା l

ଉତ୍କଳ ସ୍ମୃତିକୁ ମନରେ ସ୍ମରି

ମଜା ମସ୍ତି କରି ଆସିବା ଫେରି l