ଗୁରୁ ହିଁ ଈଶ୍ୱର

ଗୁରୁ ହିଁ ଈଶ୍ୱର ମୁକତିର ଝର

ଆଲୋକର ଦିବ୍ୟଜ୍ୟୋତି

ଗୁରୁ ହିଁ କରମ ଗୁରୁ ହିଁ ଧରମ

ନାହିଁ ତାଙ୍କ ବିନୁ ଗତି l

ଗୁରୁ ହିଁ ତ ବ୍ରହ୍ମା ବିଷ୍ଣୁ ମହେଶ୍ୱର

ସଂସାର ଭିତରେ ସାର

ଗୁରୁ ହିଁ ଅଟନ୍ତି ବିଦ୍ୟାର ଅମାର

ଚାଟଙ୍କର ରୂପକାର l

ଶ୍ରୀଗୁରୁ ଚରଣ ପୂଣ୍ୟ ତପୋବନ

କରୁଣାର ନିରିଝର 

ଗୁରୁ ହିଁ କେବଳ ଶକତିର ଉତ୍ସ

ଆଦର୍ଶର ଅବତାର l

ଗୁରୁଙ୍କ ମହିମା ଅନନ୍ତ ଅପାର

ଗୁରୁ ହିଁ ଶୁଭ ଚିନ୍ତକ

ଗୁରୁ ହିଁ ଅଟନ୍ତି ଦେଶର ନିର୍ମାତା

ପୁଣି ପଥ ପ୍ରଦର୍ଶକ l

ଗୁରୁ ହିଁ ଗଢ଼ନ୍ତି ସଂସ୍କାର ଛାଟରେ

ଭବିଷ୍ୟତ କର୍ଣ୍ଣଧାର

ଗୁରୁଙ୍କ କୀରତି ଜଗତେ ବିଖ୍ୟାତ

ନାହିଁ ତାଙ୍କ ପଟାନ୍ତର l