ସେନେହ ମମତା ଡୋରିରେ ଗୁନ୍ଥା
ସେନେହ ମମତା ଡୋରିରେ ଗୁନ୍ଥା
ସେନେହ ମମତା ଡୋରିରେ
ଗୁନ୍ଥା ରାକ୍ଷୀଟି ମୋର ।
ମୋ ଭାଇ ହାତରେ ବାନ୍ଧିବି
ଦିଶିବ କି ସୁନ୍ଦର ।
ବୈଦିକ ରାକ୍ଷୀଟି ମୋ ନିଜ
ହାତେ କରିଛି ମୁହିଁ ।
ଅକ୍ଷତ ସର୍ଷପ ଚନ୍ଦନ
କୁଙ୍କୁମ ଦୁର୍ବା ଦେଇ ।
ଦାନବେନ୍ଦ୍ର ବଳି ହାତରେ
ମାତା ଲକ୍ଷ୍ମୀ ବାନ୍ଧିଲେ ।
ବଳିର ଭଗିନୀ ହୋଇ ମା
ଚିରଦିନ ରହିଲେ ।
ସେହି ରାକ୍ଷୀ ମୋର ଭାଇ
ହାତରେ ବାନ୍ଧିବି ମୁହିଁ ।
ସୁରକ୍ଷା ହୋଇବ ଭାଇର
ସୁଖେ ରହିବ ଭାଇ ।
ମୋ ଭାଇ ସୁରକ୍ଷିତ ରହି
ମୋତେ ରଖିବ ସୁଖେ ।
ସୁରକ୍ଷିତ ମୁହିଁ ରହିବି
ଚର ଅଚର ମୁଖେ ।
ରେଶମ ଡୋର ଏ ରାକ୍ଷୀଟି
ଖାଲି ନୁହେଁ ମୋହର ।
ସେନେହ ମମତା ଡୋରି ଏ
ଭାଇ ଭଉଣୀଙ୍କର ।
ଶ୍ରାବଣ ମାସର ପୂର୍ଣ୍ଣମୀ
ବଳଭଦ୍ର ଜନମ ।
ଦିନରେ ଏ ରାକ୍ଷୀ ପୂର୍ଣ୍ଣିମା
ହୁଏ ରକ୍ଷା ବନ୍ଧନ ।
ସବୁ ବରଷ ମୁଁ ରହୁଛି
ଚାହିଁ ଏଇ ଦିନକୁ ।
ରାକ୍ଷୀ ଅଛି ସାକ୍ଷୀ ଭାଇ ମୋ
ଜିଉଁ ଯୁଗ ଯୁଗକୁ ।