ସମୟ ବଡ଼ ବଳବାନ

ବେଳ ଥାଉ ପିଲେ ହୁଅ ସାବଧାନ

ନ କରି ସମୟ ନଷ୍ଟ

ସମୟକୁ ତୁମେ କଲେ ଅପଚୟ

ଭବିଷ୍ୟେ ପାଇବ କଷ୍ଟ ।

ପୂରୁବ ଦିଗରେ ସୂରୁଜ ଉଇଁଲେ

ସକାଳୁ ସଅଳ ଉଠ

ଅଳସୁଆ ପରି ଶେଜେ ପଡ଼ିରହି

କରନାହିଁ ଆଉ ମଠ  ।

କାକ ପରି ସ୍ନାନ ବକ ପରି ଧ୍ୟାନ

ଜୀବନରେ ଅନୁସରି

ଶ୍ଵାନ ପରି ନିଦ୍ରା ଶୟନେ ଆଦରି 

ଦୌଡ଼ ସଦା ଅଶ୍ୱ ପରି ।

ଗୁରୁଜନ କଥା ହୃଦୟରେ ଭାଳି 

ସମୟକୁ କର ଢାଲ

ସମୟ ସାଥିରେ ହୋଇ ପଥଚାରୀ

ଆଗକୁ ଆଗେଇ ଚାଲ ।

ସମୟ ଅଟଇ ବଡ଼ ବଳବାନ

ଏ କଥାଟି ମନେରଖ

ସମୟକୁ କରି ସଦ୍ ଉପଯୋଗ

ଜୀବନରେ କିଛି ଶିଖ ।