ଆମ ସମ୍ବିଧାନ

ନୀତି ନିୟମର ମହାଗ୍ରନ୍ଥଟିଏ

ଭାରତୀୟ ସମ୍ବିଧାନ

ଅଧିକାର ଆଉ କର୍ତ୍ତବ୍ୟ ସାଧନେ

ମହାନ ତା' ଅବଦାନ ।

ଶୃଙ୍ଖଳା ଶାସନ ଧାରା ଅବଚ୍ଛେଦେ

ପ୍ରଣିତ ଏ ସମ୍ବିଧାନ

ହିନ୍ଦୁ ମୁସଲିମ୍ ଜୈନ ଖ୍ରୀଷ୍ଟିଆନ୍

ସଭିଏଁ ଏଠି ସମାନ ।

ଆମ ସମ୍ବିଧାନେ ଲିପିବଦ୍ଧ ଅଟେ

ଛ'ଟି ମୌଳିକ ଅଧିକାର

ବିଶ୍ୱରେ ରହିଛି ଯେତେ ସମ୍ବିଧାନ

ସବୁଠାରୁ ସିଏ ସାର ।

ଧାରା ତିନି ଶହ ପଞ୍ଚାନବେ ଗୁନ୍ଥା

ଆମ ଏ ନୀତି ପୁସ୍ତକ

ବାଇଶିଟି ସ୍ତମ୍ଭେ ଲେଖି ଭୀମରାଓ

ସାଜିଥିଲେ ତା' ଜନକ ।

ଧର୍ମ ନିରପେକ୍ଷ ଅବା ସାର୍ବଭୌମ୍ୟେ

ସଭିଙ୍କୁ କରେ ସେ ବଶ

ସଂଘୀୟ ଗଠନେ ଐକ୍ୟ ରକ୍ଷାକରି

ମନରେ ଭରେ ସାହସ ।

ଆମ ସମ୍ବିଧାନ ଅଟଇ ସୁଦୀର୍ଘ

ଗଣତନ୍ତ୍ରେ ସ୍ୱତନ୍ତ୍ରତା

ବୈଶିଷ୍ଟ୍ୟ ତାହାର ସର୍ବଦା ମହାନ

ନୀତି ଶିକ୍ଷା ପବିତ୍ରତା ।

ମାନବିକତାର ଶ୍ରେଷ୍ଠ ପରିଚୟ

ଅହିଂସା ଯାହାର ପ୍ରାଣ

ନୀତି ଆଦର୍ଶର ମୂଳମନ୍ତ୍ରେ ଭରା

ଆମର ଏ ସମ୍ବିଧାନ ।