ଭାଇର ହାତରେ ଭଉଣୀ ରାକ୍ଷୀ
ଭାଇର ହାତରେ ଭଉଣୀ ରାକ୍ଷୀ
ଆଜି ପରା ବଳଭଦ୍ରଙ୍କ ଜନମ
ଶ୍ରାବଣ ପୂର୍ଣ୍ଣିମା ବେଳା
ରାକ୍ଷୀ ପୂର୍ଣ୍ଣିମାର ପବିତ୍ର ସମୟ
ଆସି ଉପଗତ ହେଲା ।
ଭଉଣୀର ରାକ୍ଷୀ ଭାଇର ହାତରେ
ଆଜି ତ ପାଇବ ଶୋଭା
ଭାଇ ଭଉଣୀଙ୍କ ସ୍ନେହ ମମତାର
ପଟାନ୍ତର ଅଛି କିବା ।
ଆଜିର ଦିନରେ ସୁଭଦ୍ରା ଭଉଣୀ
ଦୁଇ ଭାଇଙ୍କ ହାତରେ
ବାନ୍ଧିଥିଲେ ରାକ୍ଷୀ ଏବେ ବି ବାନ୍ଧନ୍ତି
ପ୍ରତି ବରଷ ନିଷ୍ଠାରେ ।
ପାତାଳ ପୁରରେ ମହାଲକ୍ଷ୍ମୀ ପରା
ବଳିଙ୍କି ବାନ୍ଧିଲେ ରାକ୍ଷୀ
ରେଶମ ଡୋରିର କରାମତି ଦେଖ
ରାକ୍ଷୀଟିି ରହିଛି ସାକ୍ଷୀ ।
ମାନ ଅଭିମାନ ରାଗ ଦ୍ୱେଷ ଆଜି
ଭଉଣୀ ପାଖରେ ନାହିଁ
ଭାଇର ହାତରେ ରାକ୍ଷୀଟି ବାନ୍ଧିବ
ସବୁ କଥା ଭୁଲିଯାଇ ।
ଭାଇ ଭଉଣୀଙ୍କ ସୁରକ୍ଷା ହୋଇବ
ଉଭୟେ ଉଭୟଙ୍କର
ହୋଇବେ ପୋଷକ ସୁନେଲୀ ରାକ୍ଷୀଟିି
ଦିଶିବ କେଡେ ସୁନ୍ଦର ।
ରାକ୍ଷୀଟିିଏ ଆଣି ବାନ୍ଧିଲା ଭଉଣୀ
ଭାଇର ହାତରେ ନେଇ
ଭାଇର ହାତରେ ଜକ ଜକ ହୋଇ
ରାକ୍ଷୀଟି ଏବେ ଦିଶଇ ।
ଭାଇର ହାତରେ ଭଉଣୀର ରାକ୍ଷୀ
ଦିଶୁଛି କେଡେ ସୁନ୍ଦର
ସ୍ନେହ ମମତାର ଅଲିଭା ସାକ୍ଷୀ ଏ
ନୁହଇ ରେଶମ ଡୋର ।
କେଡେ ମହୀୟାନ ସଂସ୍କୃତି ଆମର
ଧନ୍ୟ ଏ ରକ୍ଷାବନ୍ଧନ
ପରବ ପାଳିବା ଭାଇ ଭଉଣୀଙ୍କ
ଅତୁଟ ସ୍ନେହ ବନ୍ଧନ ।