ସର୍ବମଙ୍ଗଳା ସ୍ତୁତି

      

ନମସ୍ତେ ମଙ୍ଗଳମୟୀ ମା' ସର୍ଵ ମଙ୍ଗଳା l

ଉଦ୍ଧରିଧରୁ ମାଆଲୋ ବୁଡ଼ିବାର ଭେଳା ll

ସର୍ଵ ପାତକ ହାରିଣୀ ମଙ୍ଗଳ କାରେଣୀ l

ନମସ୍ତେ ନମସ୍ତେ ମାଆ ଶଙ୍କର ଘରଣୀ ll

ସଙ୍କଟା ବିକଟା ମାଆ ଗୋଉରୀ ଅମ୍ବିକା l

ସଙ୍କଟକାଳରେ ମାଆ ସାହା ତୁହି ଏକା ll

ନମସ୍ତେ ନମସ୍ତେ ମାତ ମାଆ ଦୟାମୟୀ l

ତୋତେ ସୁମରିଲେ ସର୍ବ ବିପତ୍ତି ପଳାଇ ll

ନମସ୍ତେ ନମସ୍ତେ ମାତା ନମସ୍ତେ ଚଣ୍ଡିକା l

ଦୟାରୁ ଚଳଇ ମାତ ସଂସାର ନୋଉକା ll

ନମସ୍ତେ ନମସ୍ତେ ମାତେ ଅତି ଦୟାବତୀ l

ପର୍ବତନନ୍ଦିନୀ ମାଆ ନାମ ତୋ ପାର୍ବତୀ ll

ନମସ୍ତେ ମା' ବିଘ୍ନସେନୀ ବିଘ୍ନ ବିନାଶିନୀ l

ଦୂବ କରୁ ମେରୁ ମାଆ ମୂର୍ଖ କରୁ ଜ୍ଞାନୀ ll

ନମସ୍ତେ ନମସ୍ତେ ମାଆ ନମଃ ଜୟଚଣ୍ଡୀ l

ଭକ୍ତରେ ପ୍ରସନ୍ନ ହେଲୁ, ଅଭକ୍ତେ ଦରାଣ୍ଡି ll

ଦୁସ୍ତର ସଙ୍କଟୁ, ମାଗୋ ପ୍ରାଣୀଙ୍କୁ ତୁ ତାରୁ l

ପାରିକର ମାଆ ମୋତେ ଭବ ସାଗରରୁ ll

ସଙ୍କଟେ ସୁମରି ମାତ ତୋତେ ପ୍ରଭୁ ରାମ l

ଦଶାନନେ ମାରି ପ୍ରଭୁ ହେଲେ ସିଦ୍ଧକାମ ll

କୁରୁକ୍ଷେତ୍ରେ ସୁମରିଲେ ପାର୍ଥ ମହାବୀରେ l

ଗାଣ୍ଡିବୀ ମାରିଲେ ଶତ୍ରୁ ଗାଣ୍ଡିବଟଙ୍କାରେ ll

ମହିମା ତୋହର ମୁଖେ କେ ବର୍ଣ୍ଣିବ ମାଆ l

ଶରଣ ପୟରେ ମାଆ ହୋଇ ଥିବୁ ସାହା ll