ଆସ ଆସ ଭାଇ ଲଗାଇବା ବୃକ୍ଷ

ବୃକ୍ଷ ଅଟେ ଭାଇ ଜୀବର ଜୀବନ l

    ବୃକ୍ଷ ଅଟେ ଆମ ପ୍ରାଣର ସ୍ପନ୍ଧନ ll

ବୃକ୍ଷ ପାଇଁ ଜାଣ ଚରାଚର ମହୀ l

     ସୁଜଳା ସୁଫଳା ହରିତ ଦିଶଇ ll

ବୃକ୍ଷ ଅଟେ ପଥେ ପଥିକ ଆଶ୍ରୟ l

   ବୃକ୍ଷରେ ବାନ୍ଧନ୍ତି ବସା ପକ୍ଷୀଚୟ ll

ଅରଣ୍ୟରେ ବାସ ସ୍ୱାପଦ ସଙ୍କୁଳ l

    ଅରଣ୍ୟ ଆମର ସମ୍ପଦ ଅମୁଲ୍ୟ ll

ବ୍ରହ୍ମା ବିଷ୍ଣୁ ଶିବ ପୁରାଣେ ପଢ଼ିଛ l

    ଜନମିଲେ ବଟ ଅଶ୍ୱତ୍ଥ ପଳାଶ ll

ବୃକ୍ଷଟି ଅଟଇ ସାକ୍ଷାତ ଦେବତା l

    ବୃକ୍ଷ କାଟି ଆଉ ନହୁଅ ହିନସ୍ଥା ll

ବୃକ୍ଷ ଶୋଷିନିଏ ବାୟୁ ପ୍ରଦୂଷଣ l

    ବୃକ୍ଷରୁ ଔଷଧି ମିଳେ ଅମ୍ଳଜାନ ll

ଜାଣି ଶୁଣି ଆମେ ବୃକ୍ଷ କାଟୁଅଛୁ l

  ନିଜ ପାଦେ ସିନା କୁଠାର ମାରୁଛୁ ll 

ଗୋଚର ଗୋଦଣ୍ଡା ଦିଶୁଅଛି ରୁକ୍ଷ l

    ପ୍ରଳୟ ହୋଇବ ପଡ଼ିବ ଦୁର୍ଭିକ୍ଷ ll

ଦୁଃସହ ହେଲାଣି ଜୀବଙ୍କ ଜୀବନ l

   ବିଶ୍ୱେ ବଢ଼ିଅଛି ଘୋର ପ୍ରଦୂଷଣ ll

ବୃକ୍ଷ ବିନା କିବା ଜୀବନ ରହିବ l

  ଜୀବଶୂନ୍ୟ ହୋଇ ପୃଥ୍ବୀ ପଡ଼ିଥିବ ll

ବେଳଥାଉଁ ସର୍ବେ ହୁଅ ସାବଧାନ l

  ଫଳ ନଖାଇଲେ ଖାଇବେ ସନ୍ତାନ ll

ଉତ୍ତାପ ସନ୍ତାପ ଦେଖୁଛ ପ୍ରତ୍ୟକ୍ଷ l

   ଆସ ଆସ ଭାଇ ଲଗାଇବା ବୃକ୍ଷ ll 

ଆସୁଅଛି ଘୋର ବରଷାର କାଳ l

  ବୃକ୍ଷେ ଭରିଦିଅ ବିଲ ତୋଟାମାଳ ll

ଗୋଚର ଭୁଚର ଯେତକ ପଡ଼ିଆ l

   ଲଗା ଆମ୍ବ ଜାମୁ ପଣସ ନଡ଼ିଆ ll

ପରମ ପୁରୁଷ ଲଭିବେ ସନ୍ତୋଷ l

    ବିଶ୍ଵ କାରିଗର ପ୍ରଭୁ ଜଗଦୀଶ ll