ଗ୍ରୀଷ୍ମ ଫଳ ତାଳସଜ

ଗ୍ରୀଷ୍ମ ଫଳ ତାଳସଜ 

      ============

ଫଳ ସହ ଜଳ ଆଉ 

                  କାହିଁ ଯାଇ ଖୋଜ ।

ଆସି ଗଲା ଆସିଗଲା 

                    ସଜ ତାଳ ସଜ ।।

କଷି ତାଳ ଗୋଟମାରେ 

                   ତିନି ଗୋଟି ଫଳ ।

ଧଳା ଧଳା ଅଣ୍ଡା ଭଳି ସବୁ 

                       ଗୋଲ ଗାଲ ।।

ଫଳ ଭିତରେ ରହିଛି 

                    ମିଠା ଥଣ୍ଡା ପାଣି ।

ପ୍ରକୃତି ଯୋଗାଇ ଅଛି 

                   ଗ୍ରୀଷ୍ମକାଳ ଜାଣି ।।

ଆସ ଆସ ଆସ ଭାଇ 

                     ତାଳ ସଜ ଖାଅ ।

ଗୃହିଣୀ ପିଲା ଛୁଆଙ୍କ 

                   ପାଇଁ ଘେନିଯାଅ ।।

ଭାରି ଉପକାରୀ ଏହି 

                      ତାଳ ସଜ ରସ ।

ଛଡ଼ାଇ ଖାଇବ ଚୋପା 

                   ଭିତରେ ତା ସସ ।।

ପାଚିଗଲେ ତାଳ ସବୁ 

                    ପଡ଼େ ଦୁମ୍ ଦାମ ।

କଳା ହାଣ୍ଡିଆ ତାଳର 

                  ଭାରି ଅଟେ ନାମ ।।

ଆଷାଢରେ ପକ୍ବ ତାଳେ 

                     ହୁଏ ତାଳ ପିଠା ।

ତାଳ ସୁଆଁରି ଜାଣିବ 

                ଲାଗେ ଭାରି ମିଠା ।।

ପକ୍ବତାଳେ ତାଳସଜ 

                  ମଂଜି ହୋଇ ଥାଇ ।

ସୁଆଦିଆ ତାଳଗଜା 

                    ଖାଇଥିବ ଭାଇ ।।

ପୁରାଣରେ ଶୁଣିଅଛି 

                     ପ୍ରଭୁ ନୀଳାମ୍ବର ।

ତାଳବଣେ ବଧିଥିଲେ 

                    ଧେନୁକା ଅସୁର ।।

ଏଣୁ ନାମ ବହିଚ୍ଛନ୍ତି 

                    ପ୍ରଭୁ ଧେନୁକାରୀ ।

ତାଳଧ୍ୱଜ ରଥ ତାଙ୍କ 

                    ଲୀଳାମୟ ହରି ।।

ଜ୍ୟେଷ୍ଟ ଅମାବାସ୍ୟା ଓଷା 

                      ସାଵିତ୍ରୀ ପଡ଼ଇ ।

ତାଳସଜ ଲୋଡ଼ାହୁଏ 

                  ନବ ଫଳେ ଭାଇ ।।

ବୃନ୍ଦାବନେ ପକ୍ବତାଳ 

                     ଖାଇ ବ୍ରଜ ବାଳ ।

ରାମ କୃଷ୍ଣଙ୍କ ସଙ୍ଗରେ 

                 ଖେଳୁଥିଲେ ଖେଳ ।।

ଆସୁ ଅଛି ଆସୁ ଅଛି 

                      ଆସୁ ଅଛି ରଜ ।

ଅମ୍ଭ ପଣସ କିଣିବ 

                    ସଙ୍ଗେ ତାଳସଜ।।

ଆଉ ତାଳସଜ କଥା 

                     କହିବି ଯେ କିସ ।

ସଜ ଖାଇ ହସ ଭାଇ 

                      ମୁଚୁକୁନ୍ଦ ହସ ।।

              🙏🙏🙏

                  ଅର୍ଜୁନୀ 

          --------------

ଅର୍ଜୁନୀ ଚରଣ ବେହେରା 

ମୋ - 7693091971