ପ୍ରେମର ପ୍ରତୀକ
ପ୍ରେମର ପ୍ରତୀକ
ସେଦିନ ଶ୍ରେଣୀରେ ପଚାରିଲେ ଗୁରୁ
ପ୍ରେମର ପ୍ରତୀକ କ'ଣ
ତାଜମହଲ ଯେ ଉତ୍ତରେ କହିଲେ
ପିଲା ଦଶ ବା'ର ଜଣ ।
ମାତ୍ର ଜଣେ ପିଲା କହିଲା ଗୁରୁଜୀ
ସେଇ ଗୋଟି ରାମ ସେତୁ
ହସି ହସି ସାଙ୍ଗ ଗଡିଲେ ଭୂମିରେ
ନିରବ ପିଲାଟି କିନ୍ତୁ ।
ରାଗିଯାଇ ଗୁରୁ ହାତେ ଧରି ବେତ
କହନ୍ତି ଧମକ ସ୍ବରେ
ଏମିତି ଉତ୍ତର ଦେଲୁ ତୁ କାହିଁକି
କହ ତୁ ମୋତେ ସତ୍ବରେ ।
ଦମ୍ଭ ସହକାରେ କହିଲା ପିଲାଟି
ଜାନକୀ ଉଦ୍ଧାର ପାଇଁ
ବାନ୍ଧି ଥିଲେ ସେତୁ ପ୍ରଭୁ ରାମଚନ୍ଦ୍ର
ସମାଧି ପାଇଁ ନୁହଁଇ ।
ସାହାଯ୍ୟକାରିଙ୍କ ମୁଣ୍ଡପରେ ହାତ
ବୁଲାଇ ଥିଲେ ସିଏ ତ
ଶା'ଜାହାନ ଭଳି କାଟି ତ ନଥିଲେ
ଶିଳ୍ପୀ ମାନଙ୍କର ହାତ ।
ଶ୍ରେଣୀ କକ୍ଷ ଏବେ ନିରବ ନିଃସ୍ତବ୍ଧ
ପିଲାଟିର ଯୁକ୍ତି ଶୁଣି
ମସ୍ତକେ ତା ହାତ ବୁଲାଇ ଗୁରୁଜୀ
ଆଶିର୍ବାଦ କଲେ ପୁଣି ।